Nehemaea 12:31 - Pijin Bible

³¹ Mi talem olketa lida blong distrik long Jiuda fo goap tugeta antap long wolston ya. An mi siusim tufala grup long kuaea fo singim olketa preis singsing. Wanfala grup hemi goap antap long wolston an go long raet saet falom wei fo go long Geit fo Torowem Ravis.

Pijin Deuterocanon

³¹ Mi talem olketa lida blong distrik long Jiuda fo goap tugeta antap long wolston ya. An mi siusim tufala grup long kuaea fo singim olketa preis singsing. Wanfala grup hemi goap antap long wolston an go long raet saet falom wei fo go long Geit fo Torowem Ravis.

Nehemaea 12:31 Iomraidhean Croise

1 Kronikols 13:1

Nao King Deved hemi toktok wetem olketa komanda long ami.

1 Kronikols 28:1

Nao King Deved hemi sendem toktok go long olketa bikman long Israel mekem olketa kam tugeta long Jerusalem. Hemi kolem kam olketa sif long olketa traeb, an olketa komanda blong olketa seksin long ami blong king, an olketa narafala komanda long ami, an olketa bikman hu i lukaftarem evrisamting blong hem, an olketa bikman hu i lukaftarem haos blong hem, an olketa san blong hem, an olketa barava nambawan soldia blong hem.

2 Kronikols 5:2

King Solomon hemi kolem kam olketa lida blong olketa traeb blong Israel, an olketa sif blong olketa laen blong olketa, an olketa narafala lida blong olketa, mekem olketa kam long Jerusalem. Olketa kam long Saeon fo tekem Tambu Boks long Spesol Agrimen blong Yawe, an karim goap long Tambuhaos. Long taem ya, nara nem blong Jerusalem hemi Saeon, o “Biktaon blong King Deved”.

Nehemaea 12:32

Hosaea hemi wakabaot bihaen long fas grup ya long kuaea, wetem wanfala haf long olketa lida blong Jiuda.

Nehemaea 12:38

Mektu grup long kuaea ya, hemi goap antap long wolston an go long lef saet. Mi wetem narafala haf long olketa pipol ya, mifala wakabaot bihaen long olketa. Mifala go winim Gadhaos blong olketa Aven, fo go kasem Waed Wolston.

Nehemaea 12:40

Nao tufala grup ya wea i gohed fo singim preis singsing, tufala kam tugeta long ples blong olketa long frant blong Tambuhaos blong God. Mi wetem haf blong olketa lida, mifala tu go long ples blong mifala long Tambuhaos.

Nehemaea 2:13

Long datfala naet, mifala gotru long Vali Geit wea hemi long west saet long taon, an mifala go saot falom wolston ya fo go long Wael Dog Springwata an Geit fo Tekemaot Ravis wea hemi long saot en long wolston. Mifala lukim olketa ples long wolston wea olketa enemi bin brekemdaon bifoa, wetem olketa geit wea olketa bin bonem finis.