Nehemaea 11:30 - Pijin Bible

³⁰ an Sanoa an Adulam wetem olketa vilij wea i stap raonem tufala, an Lakis wetem olketa fam kolsap long hem, an Aseka wetem olketa vilij wea i stap raonem hem. Hem nao olketa ples wea olketa long laen blong Jiuda i stap long hem, hemi stat long taon long Beereseba long saot, go kasem Hinom Vali long not.

Pijin Deuterocanon

³⁰ an Sanoa an Adulam wetem olketa vilij wea i stap raonem tufala, an Lakis wetem olketa fam kolsap long hem, an Aseka wetem olketa vilij wea i stap raonem hem. Hem nao olketa ples wea olketa long laen blong Jiuda i stap long hem, hemi stat long taon long Beereseba long saot, go kasem Hinom Vali long not.

Nehemaea 11:30 Iomraidhean Croise

Jenesis 21:14

Long eli moning yet, long neks de, Ebraham hemi tekem samfala kaikai an bikfala botol long wata, an givim go long slev woman ya, an hemi letem boe ya fo go long hem, nao hemi sendem tufala fo goaot from ples ya. Nao tufala goaot, an wakabaot olobaot nomoa long drae eria ya olketa kolem long Beereseba.

Jenesis 25:16

Nao olketa laen wea i bon kam long laen blong olketa tuelfala pikinini ya blong Ismael, olketa kolem nem blong olketa vilij an olketa ples wea olketa go an stap long hem falom nem blong olketa tuelfala pikinini ya.

2 Kings 23:10

Nao wanfala tambuples fo wosipim disfala god Molek hemi stap long Tofet long Ben-Hinom Vali. An king hemi barava spoelem nogud tambuples ya, mekem olketa pipol i no save bonem olketa pikinini blong olketa long faea fo mekem sakrifaes go long god ya.

Nehemaea 11:29

an En-Rimon, an Sora, an Jamut,

Nehemaea 11:31

Olketa long laen blong Benjamin i stap long olketa taon blong olketa olsem: Geba, an Mikmas, an Ai, an Betel wetem olketa vilij wea i stap raonem hem,

Nehemaea 3:13

Hanun wetem olketa man blong taon long Sanoa i wakembaek moa Vali Geit. Olketa hangem tufala bikfala doa blong hem, an olketa putum tu olketa aean ba long tufala doa, an bikfala timba tu wea olketa yusim fo lokem tufala doa long geit ya. Olketa wakem tu neks haf blong wolston ya. Long blong disfala haf long wolston hemi 500 mita, an hemi go kasem Geit fo Torowem Ravis.

Aesaea 37:8

Disfala komanda blong Asiria hemi herem dat king blong hem hemi lusim finis Lakis, an hemi go moa long taon long Libna fo faet agensim olketa. Komanda ya hemi lusim Jerusalem an hemi go long Libna fo lukim king.

Jeremaea 19:2

Yufala goaot long geit blong bikfala wolston blong taon, wea nem blong hem ‘Geit blong Pot long graon wea hemi brek’, an godaon insaet long vali long Hinom. Long datfala ples, bae yu talemaot long olketa evri toktok wea mi givim long yu.

Jeremaea 19:6

From samting ya nao, mi talemaot disfala woning. Bikos olketa duim olsem, bae taem hemi kolsap kam wea olketa no kolem ples ya olsem Tofet, o vali long Hinom, bat bae olketa kolem hem Vali fo Kilim Man Dae.

Jeremaea 32:35

Olketa bin wakem olta blong god Baal long vali long Hinom, an olketa gohed fo bonem olketa san an olketa dota blong olketa long hem, fo sakrifaesim go long god Molek. Bat mi no talem olketa fo duim olsem. Diskaen samting ya wea olketa duim barava ravis samting olsem, mekem olketa blong Jiuda i foldaon long sin, kaen samting ya hemi no kamaot long tingting blong mi.”

Maeka 1:15

!Olketa pipol blong taon long Maresa! Bae no longtaem Yawe hemi letem olketa enemi blong yumi fo kam tekova long taon blong yufala. An olketa barava bikman blong yumi bae i ranawe go haed insaet long olketa kev kolsap long taon long Adulam.

Josua 10:3

So Paramaon Sif Adonisedek hemi sendem mesij go long Paramaon Sif Hoham blong Hebron, an Paramaon Sif Piram blong Jamut, an Paramaon Sif Jafia blong Lakis, an Paramaon Sif Debia blong Eglon.

Josua 15:39

an Lakis, an Boskat, an Eglon,

Josua 15:8

Spialaen ya hemi goap stret falom vali long Hinom, wea hemi pas long saot saet, botom long hil ya long Jerusalem, disfala taon blong olketa laen blong Jebus. Spialaen ya hemi go antap long hil saet long vali long Hinom wea hemi stap long west saet, kolsap long vali long Refaem long saet long not.

Josua 18:16

An hemi godaon kasem botom long maonten long not long Refaem vali wea disfala Hinom vali hemi stat. Spialaen ya hemi falom Hinom vali an hemi go pas long narasaet long taon long Jebus an hemi go kasem springwata long En-Rogel.