Nehemaea 11:17 - Pijin Bible

¹⁷ Matanaea, san blong Mika, wea laen blong hem hemi olsem: Sabdi, Asaf. Matanaea ya, hemi lida long kuaea long Tambuhaos blong God, fo singim prea fo talem tengkiu long hem. Bakbukaea, hu hemi mektu lida long kuaea ya. Abda, san blong Samua, wea laen blong hem hemi olsem: Galal, Jedutun.

Pijin Deuterocanon

¹⁷ Matanaea, san blong Mika, wea laen blong hem hemi olsem: Sabdi, Asaf. Matanaea ya, hemi lida long kuaea long Tambuhaos blong God, fo singim prea fo talem tengkiu long hem. Bakbukaea, hu hemi mektu lida long kuaea ya. Abda, san blong Samua, wea laen blong hem hemi olsem: Galal, Jedutun.

Nehemaea 11:17 Iomraidhean Croise

2 Samuel 9:12

Mefiboset hemi garem wanfala smol pikinini boe wea nem blong hem Mika, an evriwan long famili blong Siba i kamap wakaman blong Mefiboset.

1 Kronikols 16:4

Nao Deved hemi siusim samfala Livaet fo mekem wosip go long Yawe long frant long Tambu Boks. Waka blong olketa ya, hemi olsem, olketa mas prea go long God, an olketa mas talem tengkiu long hem, an olketa mas preisim Yawe, God blong Israel.

1 Kronikols 16:41

Nao Heman, an Jedutun, an olketa narafala man wea olketa prist i bin siusim, olketa helpem olketa prist fo preisim Yawe an talemaot, “Yumi mas tengkiu long Yawe, bikos hemi tinghevi long yumi olowe.”

1 Kronikols 9:15

An Bakbaka, an Heres, an Galal. An Matanaea hu hemi san blong Mika. Mika ya hemi san blong Sikri long laen blong Asaf.

Nehemaea 10:12

an Sakua, an Serebaea, an Sebanaea,

Nehemaea 11:16

Sabetae an Josabad, tufala ya i lida blong olketa Livaet wea i lukaftarem olketa waka aotsaet long Tambuhaos blong God.

Nehemaea 11:18

Namba long olketa Livaet ya wea i stap long tambu taon ya, hemi kasem 284.

Nehemaea 12:24

Long datfala taem tu, olketa hed blong olketa Livaet i olsem: Hasabaea, an Serebaea, an Jesua, san blong Kadmiel. Olketa ya i stanap long wanfala saet blong Tambuhaos fo singim olketa preis singsing, an olketa wantok blong olketa i stanap long narasaet fo singim ansa long singsing ya, barava olsem King Deved hu hemi man blong God, hemi bin tisim olketa Livaet bifoa.

Nehemaea 12:25

Matanaea, an Bakbukaea, an Obadaea, an Mesulam, an Talmon, an Akub, olketa ya i sekiuriti long olketa stoarum blong Tambuhaos wea i stap kolsap nomoa long olketa geit.

Nehemaea 12:31

Mi talem olketa lida blong distrik long Jiuda fo goap tugeta antap long wolston ya. An mi siusim tufala grup long kuaea fo singim olketa preis singsing. Wanfala grup hemi goap antap long wolston an go long raet saet falom wei fo go long Geit fo Torowem Ravis.

Nehemaea 12:46

Hemi olsem bikos stat long taem blong King Deved wetem Asaf, hemi garem olketa lida long kuaea, wea olketa gohed fo singsing fo preisim God an fo talem tengkiu long hem.

Filipae 4:6

Yufala mas no wari long enisamting, bat evritaem yufala prea long God, yufala mas tengkiu long hem an talem hem wanem yufala nidim.