Nehemaea 10:37 - Pijin Bible

³⁷ “Mifala promis fo tekem kam long olketa prist long evri yia, fas flaoa wea mifala wakem long deferen kaen wit blong mifala, an niufala waen an niufala oliv oel wea mifala wakem, an olketa fas frut blong olketa tri blong mifala wea mifala tekemaot, fo olketa save stoarem insaet long spesol rum insaet long Tambuhaos blong God. An bae mifala tekem kam tu wanfala haf long evri ten blong olketa kaikai long gaden blong mifala fo givim long olketa Livaet taem olketa kam raon fo kolektem olketa ten long kaikai ya.

Pijin Deuterocanon

³⁷ “Mifala promis fo tekem kam long olketa prist long evri yia, fas flaoa wea mifala wakem long deferen kaen wit blong mifala, an niufala waen an niufala oliv oel wea mifala wakem, an olketa fas frut blong olketa tri blong mifala wea mifala tekemaot, fo olketa save stoarem insaet long spesol rum insaet long Tambuhaos blong God. An bae mifala tekem kam tu wanfala haf long evri ten blong olketa kaikai long gaden blong mifala fo givim long olketa Livaet taem olketa kam raon fo kolektem olketa ten long kaikai ya.

Nehemaea 10:37 Iomraidhean Croise

2 Kronikols 31:6

Olketa pipol long olketa taon long Jiuda tekem kam wan-tent long olketa buluka an olketa sipsip blong olketa. An olketa tekem kam wan-tent long evrisamting wea olketa mektambu long hem. Olketa karim kam olketa samting ya fo givim go long Yawe hu hemi God blong olketa.

Nehemaea 13:10

Mi faendemaot tu wea olketa Livaet no garem olketa spesol samting wea i blong olketa, mekem olketa an olketa blong kuaea, olketa gobaek long hom fo wakem gaden blong olketa.

Nehemaea 13:12

Olketa pipol blong Jiuda stat moa fo tekem kam olketa ten blong olketa long wit, an niu waen, an oliv oel, fo putum go long olketa stoarum ya long Tambuhaos blong God.

Nehemaea 13:9

Mi talem olketa prist fo mektambu moa long rum ya wetem eria raonem. Den mi tekem olketa spesol samting fo mekem wosip, an olketa nambawan flaoa wea olketa pipol bin mekem ofaring long hem, an olketa insens, an putum olketa samting ya gobaek moa insaet long datfala rum.

Eksodas 13:12

bae yufala mas oltaem givim olketa fasbon pikinini boe blong yufala go long Yawe. An yufala mas save dat olketa fasbon pikinini manwan long olketa animol blong yufala tu i blong Yawe.

Eksodas 13:2

“Yufala pipol blong Israel mas mektambu long evri fasbon pikinini boe blong yufala wetem evri fasbon pikinini manwan long olketa animol, bikos evri fasbon boe wetem evri fasbon manwan long olketa animol i blong mi.”

Levitikas 23:17

Evriwan from olketa ples blong yufala mas tekem kam tufala bred, mekem prist hemi liftimap kam frant long mi olsem wanfala spesol ofaring long mi. Tufala bred ya, yufala mas mekem from foa kilo flaoa, an samfala yist. Hem nao ofaring blong mi from olketa fas kaikai long gaden blong yufala.

Malakae 3:10

Tekem kam olketa wan-tent blong yufala long Tambuhaos blong mi, mekem plande kaikai hemi stap long hem. Traem mi, mekem yufala lukim dat bae mi barava blesim yufala winim wanem yufala save tingim. Bae hemi olsem wea mi openem skae an letem ren hemi kamdaon.

Malakae 3:8

?Waswe, hemi stret nomoa fo man hemi ravem God? Bat nomata olsem, yufala gohed nomoa fo ravem mi. An yufala tok olsem, ??Hao nao mifala ravem yu?? Yufala gohed fo ravem mi long wei wea yufala nating givim kam olketa wan-tent an ofaring blong yufala long mi.

Nambas 18:15

An evri fasbon boe blong olketa, an evri fasbon pikinini blong olketa animol blong olketa wea olketa givim kam long mi Yawe, olketa tu i blong yufala. Bat yu mas letem olketa fo peimaot evri fasbon boe blong olketa, an evri fasbon blong eni animol wea hemi no klin long ae blong mi.

Nambas 18:18

Bat mit blong olketa hemi blong yufala. Hemi olsem mit long sest blong animol wea yufala liftimap kam long frant long mi, wetem raet lek blong hem wea olketa pipol givim kam long spesol sakrifaes.

Nambas 18:21

Yawe hemi gohed fo tok olsem long Eron, “Olketa wan-tent wea pipol blong Israel i givim, bae mi givim olketa wan-tent ya go long olketa long traeb blong Livae. Hem nao hemi olsem pei blong olketa bikos olketa lukaftarem Tambu Haostent.

Leta wea Pol hemi raetem go long sios long Rom 11:16

Taem yumi givim fas pat long bred olsem sakrifaes long God, hemi olsem ful bred ya hemi blong God. An sapos rut blong wanfala tri hemi blong God, olketa brans blong tri ya i blong God tu.

Diutronomi 14:22

Mosis hemi gohed fo tok olsem, “From evri kaikai wea yufala tekemaot long gaden blong yufala, o from olketa tri blong yufala, yufala mas givim wanfala long evri tenfala samting long Yawe.

Diutronomi 18:4

An yufala mas givim olketa narafala samting tu long olketa long traeb blong Livae. Olketa samting olsem, fas pat long olketa kaikai an olketa grep an oel wea yufala tekemaot long gaden blong yufala, an fas pat long hea blong sipsip wea yufala katem.

Diutronomi 26:2

yufala mas tekemaot olketa fas kaikai long gaden blong yufala. Yufala mas putum kaikai ya long wanfala basket. Den yufala mas tekem go long tambuples wea Yawe hemi siusim fo mekem nem blong hem i stap long hem.