Nehemaea 10:32 - Pijin Bible

³² “Mifala promis fo obeim strong toktok wea evri yia mifala evriwan mas givim foa gram silva fo peim olketa samting fo Tambuhaos blong God.

Pijin Deuterocanon

³² “Mifala promis fo obeim strong toktok wea evri yia mifala evriwan mas givim foa gram silva fo peim olketa samting fo Tambuhaos blong God.

Nehemaea 10:32 Iomraidhean Croise

Jenesis 28:22

Disfala ston ya mi stanemap long en blong hem fo mekem memori blong samting ya, bae hemi kamap ples fo wosipim yu long hem. An evrisamting wea bae yu givim long mi bae mi divaedem long tenfala haf, nao bae mi givim wanfala haf long olketa tenfala haf ya fo hemi gobaek moa long yu.”

1 Kronikols 26:27

Taem olketa soldia i tekem olketa samting long taem blong faet, olketa givim go long God, mekem olketa save yusim fo lukaftarem Tambuhaos.

Nehemaea 13:15

Long datfala taem tu, mi lukim dat olketa pipol blong Jiuda, olketa gohed fo waka long Sabat de. Samfala gohed fo tekem olketa grep, an step antap long hem fo wakem waen long hem. An samfala gohed fo tekem olketa kaikai, an olketa waen, an olketa grep, an olketa fig, an olketa deferen samting moa, an putum antap long olketa dongki fo karim go long Jerusalem fo salem. From samting ya nao, mi tokstrong long olketa olsem, “!Yufala mas no salem olketa samting ya long Sabat de ya!”

Nehemaea 13:18

?Waswe, yufala foget finis long wei wea olketa grani blong yumi bifoa bin duim sem kaen samting, mekem God hemi panisim olketa, an mekem trabol fo kasem disfala taon ya? !Bat yufala gohed yet fo mekem Sabat de fo kamap nogud, mekem God hemi kros moa long Israel nao!”

Nehemaea 13:21

Bat mi tokstrong long olketa olsem, “?Waswe nao yufala gohed fo slip long ples ya long Sabat de? Sapos yufala duim moa, bae mi raosim yufala from ples ya.” An stat long datfala taem, olketa nating kambaek moa long Sabat de.

Nehemaea 5:10

Mi wetem olketa wantok blong mi, an olketa wakaman blong mi, mifala tu gohed fo givim seleni an kaikai go long olketa pipol fo yusim fastaem, bihaen olketa save peim kambaek. !Bat yufala mas stop fo no tekem olketa gaden an plantesin an pikinini blong olketa!

Nehemaea 9:14

Yu tisim olketa abaotem Sabat de blong yu wea hemi tambu, an olketa rul, an olketa lo, an olketa strong toktok ya, yu givim olketa long Mosis, wakaman blong yu, mekem olketa pipol ya i savegud long wei blong yu.

Eksodas 23:11

Bat long mekseven yia, bae yufala mas letem olketa graon ya i res, an yufala mas no tekemaot olketa kaikai wea i grou moa long hem. Letem olketa puaman i tekem wanem hemi grou kam bihaen fo olketa kaikaim, an olketa wael animol save kaikaim olketa kaikai wea olketa puaman i lusim bihaen. An yufala mas duim semsamting long olketa plantesin grep blong yufala, an olketa oliv tri blong yufala.

Provebs 3:9

Mekhae long Yawe long wei wea yu givim go fas kaikai from gaden blong yu long hem.

2 Korin 8:12

Sapos yufala wiling tumas fo givim samting falom wanem yufala garem, God bae hemi hapi long hem. Hemi no wari long wanem yufala no garem fo givim.