Nehemaea 1:2 - Pijin Bible

² Hanani hu hemi wanfala brata blong mi, hem wetem samfala pipol blong Jiuda i kam kasem ples ya. Mi askem olketa abaotem olketa pipol blong Jiuda hu i stap laef yet bihaen taem wea olketa enemi bin fosim olketa fo lusim lan an go stap long Babilonia. An mi ask tu abaotem taon long Jerusalem.

Pijin Deuterocanon

² Hanani hu hemi wanfala brata blong mi, hem wetem samfala pipol blong Jiuda i kam kasem ples ya. Mi askem olketa abaotem olketa pipol blong Jiuda hu i stap laef yet bihaen taem wea olketa enemi bin fosim olketa fo lusim lan an go stap long Babilonia. An mi ask tu abaotem taon long Jerusalem.

Nehemaea 1:2 Iomraidhean Croise

Jenesis 14:10

Graon long vali ya hemi narawei nao, bikos staka hol nao hemi stap olobaot long hem, wea olketa fulap long ta. Taem faefala king ya i stat fo lus, olketa ranawe nao from faet ya. Nao king blong Sodom an king blong Gomora wetem olketa soldia blong tufala i ranawe go, bat olketa gohed fo foldaon insaet long olketa hol ya. Bat trifala narafala king ya wetem olketa soldia blong trifala i ranawe go an haed antap long olketa hil.

2 Kings 24:14

An hemi fosim evriwan fo lusim Jerusalem. Olketa fosim aot olketa bikman an olketa komanda, an olketa wakaman hu i save duim waka long aean an long timba. Olketa evriwan i kasem olsem 10,000 pipol. Hemi lusim nomoa olketa pua pipol, olketa nao stap long lan blong Jiuda.

2 Kings 25:12

Bat samfala long olketa pua pipol, Nebusaradan hemi letem olketa stap long Jiuda fo waka long olketa gaden an long olketa plantesin blong grep.

Esra 9:14

?Waswe, hemi gud fo mifala les moa fo obeim olketa toktok blong yu, fo gohed fo maritim olketa hiden pipol ya wea i gohed fo falom olketa wei wea hemi barava nogud tumas? !Nomoa! Sapos mifala duim moa olsem, bae yu kros tumas long mifala, nao bae yu kilim mifala dae evriwan, mekem no eniwan long mifala fo stap laef.

Nehemaea 7:2

An mi siusim brata blong mi Hanani, wetem Hananaea hu hemi komanda long strongfala sefples long taon ya, mekem tufala lukaftarem taon long Jerusalem. Mi siusim Hananaea ya bikos hemi man wea pipol save trastem, an hemi barava tinghae long God, winim plande narafala pipol.

Jeremaea 44:14

No eniwan blong Jiuda hu i kam stap long Ijip, bae i no save ranawe, an no save stap laef, mekem olketa save gobaek long Jiuda, nomata olketa laekem tumas fo gobaek fo stap long dea. Barava smolfala haf nomoa long olketa bae i save gobaek.’”

Esikiel 6:9

Ya, long olketa ples wea enemi bin fosim olketa fo stap long hem, bae olketa ya jes tingim mi. Bae olketa save dat olketa bin mekem mi filnogud tumas, bikos olketa lusim mi finis, an laekem nomoa fo aftarem olketa ravis kaving winim mi. Bae olketa barava les long olketa seleva from olketa ravis wei blong olketa.

Esikiel 7:16

An eniwan wea i laef yet, bae olketa ranawe go antap long olketa maonten, an bae olketa krae long sore fo olketa sin blong olketa, olsem krae blong kurukuru wea i stap long vali.