Nambawan Singsing 4:3 - Pijin Bible

³ Tufala lip blong yu hemi red fogud. Ya, maos blong yu hemi barava luknaes. Nomata pis kaleko ya hemi satem fes blong yu, bat mi luksave nomoa wea fes blong yu hemi luknaes tumas.

Pijin Deuterocanon

³ Tufala lip blong yu hemi red fogud. Ya, maos blong yu hemi barava luknaes. Nomata pis kaleko ya hemi satem fes blong yu, bat mi luksave nomoa wea fes blong yu hemi luknaes tumas.

Nambawan Singsing 4:3 Iomraidhean Croise

Jenesis 32:10

Wei blong yu long mi hemi olsem, oltaem yu gohed fo lavem mi tumas, an oltaem yu gohed fo kipim promis blong yu long mi. Bat mi wanfala nogud man nomoa ya, mi wakaman blong yu nomoa, an hemi no stret nomoa fo yu gohed fo duim eni gudfala samting fo mi olsem. Long bifoa, taem mi krosim Jodan Riva ya, mi no garem enisamting, wokingstik nomoa mi holem. Bat distaem mi kambaek, mi garem nao tufala grup blong olketa man wetem olketa narafala samting ya tu.

Esra 9:6

an mi prea olsem, “!O God blong mi! Mi barava sem fogud, mekem mi no save liftimap fes blong mi go long yu. Olketa sin blong mifala i barava plande tumas, an hemi barava fitim fo mifala mas panis nogud from olketa. Hemi olsem wea olketa sin ya i hipap go antap long mifala winim nao hed blong mifala, go-go kasem skae.

Sams 119:13

Bae mi talemaot moa evri rul wea yu bin talem long mifala.

Sams 37:30

Olketa toktok blong gudfala man hemi waes, an olketa samting wea hemi talem hemi stret.

Sams 45:2

King, yu barava luknaes fogud winim evri man, an yu save tumas hao fo toktok. An God hemi bin blesim yu olowe.

Provebs 10:13

Man hemi save, hemi tok waes, man hemi krangge, hemi mas filim wip.

Provebs 31:26

Hemi save talem olketa waes toktok, an olketa save trastem gudfala toktok blong hem.

Nambawan Singsing 1:5

Olketa woman blong Jerusalem, mi blak ya, bat mi luknaes tumas. Nomata mi blak olsem olketa haostent long drae eria long Kedaa, bat mi luknaes tumas olsem olketa nambawan kaleko ya fo mekem haos blong king hemi luk barava spesol.

Nambawan Singsing 4:11

Daling blong mi, lip blong yu hemi suit olsem hani, an tang blong yu hemi suit olsem milk wetem hani. Kaleko blong yu hemi smel naes tumas, olsem naes smel blong sida tri ya long Lebanon.

Nambawan Singsing 5:13

Fes blong hem hemi naes tumas, olsem gaden wea hemi fulap long olketa tri wea lif blong olketa hemi garem gudfala smel. An maos blong hem hemi fil naes fogud olsem barava naes flaoa wea hemi tuwet long wata blong maa tri.

Nambawan Singsing 5:16

Toktok blong hem hemi suit tumas Mi barava lavem hem tumas. Olketa woman blong Jerusalem, hem nao daling blong mi. Hem nao fren blong mi.

Nambawan Singsing 6:7

Nomata pis kaleko ya hemi satem fes blong yu, bat mi luksave nomoa wea fes blong yu hemi luknaes tumas.

Nambawan Singsing 7:9

Ya, bae kis blong yu tu hemi suit, olsem barava nambawan waen. Oraet, letem suit waen ya hemi randaon stret go long maos blong daling blong mi, fo hemi watarem lip blong hem an tit blong hem.

Esikiel 16:63

Ya, bae mi mekem yu stret moa long ae blong mi from evri ravis samting wea yu bin duim, an taem yu tingim, bae yu sem fogud an no talem enisamting nao. “Hem nao mesij blong mi Lod Yawe.”

Levitikas 14:4

oraet, prist hemi mas talem olketa fo tekem kam tufala bed wea i klin long ae blong mi, wetem wanfala stik blong sida tri, an wanfala smolfala red rop, an wanfala brans blong hisop tri.

Levitikas 14:6

Den prist hemi mas tekem narafala bed wetem stik an rop an brans blong hisop, an putum evrisamting go long datfala blad,

Nambas 19:6

Den prist hemi mas tekem wanfala stik blong sida tri, an wanfala brans blong hisop tri, an wanfala smolfala red rop, an hemi mas torowem trifala go long faea.

Nambas 4:8

An trifala mas tekem wanfala red kaleko, an kavaremap disfala Tebol wetem olketa samting long hem, an trifala mas kavaremap moa long wanfala skin blong jiukong. An bihaen, trifala mas putumbaek tufala spesol stik fo karim disfala Tebol.

Matiu 12:35

So gudfala man hu hemi garem gudfala tingting, hemi save duim olketa gudfala samting. Bat nogud man hu hemi garem ravis tingting, hemi save duim olketa ravis samting nomoa.

Gudnius abaotem Jisas Kraes wea Luk hemi raetem 4:22

An evriwan olketa talem hemi gudfala man ya, bikos olketa sapraes tumas long olketa nambawan toktok wea hemi talemaot. An olketa sei olsem moa, “!Bat man ya hemi san blong Josef nomoa ya!”

Efesas 4:29

Yufala mas no talem eni nogud toktok, bat yufala mas talem nomoa toktok wea hemi save helpem eniwan hu hemi garem nid. Kaen toktok ya nao hemi save blesim olketa hu i herem.

Kolosi 4:6

Oltaem, toktok blong yufala hemi mas gudfala, an hemi mas mekem olketa pipol fo intres long hem. An yufala mas savegud tu hao fo talem stret ansa long olketa evriwan.

Hibrus 9:19

Fastaem ya, Mosis hemi talemaot evri toktok blong Lo long olketa pipol. An bihaen, hemi taengem wankaen gras wetem redfala wul blong sipsip, an hemi mekem tuwet long blad blong nanigot an buluka wea hemi miks wetem wata. An hemi splasem go long disfala buk blong Lo ya, an hemi splasem go long evri pipol tu.

Josua 2:18

Bat hem ya nao wanem yu mas duim. Taem mifala kam insaet long lan blong yufala, yu mas tekem disfala red string an hangem daon long windo wea yu bin daonem mitufala from hem long rop, fo somaot dat hem nao haos blong yu. An yu mas tekem dadi an mami blong yu, wetem olketa brata blong yu, an evri famili blong olketa, fo kam an stap tugeta long haos blong yu ya.