Nambas 9:7 - Pijin Bible

⁷ “Mifala no klin long ae blong Yawe bikos mifala bin tasim bodi blong man dae. ?Waswe, no eni wei nao fo mekem mifala fo save joen Pasova an givim ofaring go long Yawe?”

Pijin Deuterocanon

⁷ “Mifala no klin long ae blong Yawe bikos mifala bin tasim bodi blong man dae. ?Waswe, no eni wei nao fo mekem mifala fo save joen Pasova an givim ofaring go long Yawe?”

Nambas 9:7 Iomraidhean Croise

Eksodas 12:27

bae yumi mas tok olsem long olketa, ‘Hem nao sakrifaes long Fist blong Pasova ya. Yumi gohed mekem fo tinghae long Yawe, bikos bifoa kam, taem wea mifala stap yet long Ijip, Yawe hemi kilim dae olketa pipol blong Ijip, bat hemi pas ovarem olketa haos blong mifala, an hemi letem mifala laef.’ ” Taem olketa herem toktok ya, olketa baodaon an wosipim Yawe.

Nambas 9:2

“Long mekfotin de blong disfala fas mans, long taem san hemi godaon, bae yufala pipol blong Israel mas mekem Fist blong Pasova, an yufala mas falom olketa rul blong hem olsem wea Lo hemi talem.”

Nambas 9:6

Bat long datfala taem, samfala long olketa i no klin long ae blong Yawe bikos olketa bin tasim bodi blong man dae, so hemi mekem olketa fo no save joen long fist long barava de blong hem. An olketa go lukim Mosis wetem Eron, an olketa tok olsem long tufala,

Nambas 9:8

An Mosis hemi tok olsem, “Yufala weit fastaem. Bae mi go fo faendemaot long Yawe.”

Diutronomi 16:2

So yufala mas go long tambuples wea Yawe hemi siusimaot fo mekem nem blong hem hemi stap oltaem long hem. An long tambuples ya, yufala mas kilim dae wanfala sipsip o nanigot o buluka fo mekem sakrifaes go long Yawe, God blong yufala.