Nambas 9:22 - Pijin Bible

²² Sapos klaod ya hemi stap antap long Tambu Haostent fo tufala de, o wanfala mans, o longtaem olsem wan yia, olketa tu stap falom, olketa no save lusim datfala ples. Bat sapos klaod ya hemi muv goap, olketa tu muv.

Pijin Deuterocanon

²² Sapos klaod ya hemi stap antap long Tambu Haostent fo tufala de, o wanfala mans, o longtaem olsem wan yia, olketa tu stap falom, olketa no save lusim datfala ples. Bat sapos klaod ya hemi muv goap, olketa tu muv.

Nambas 9:22 Iomraidhean Croise

Sams 107:7

Hemi lidim olketa long wanfala stretfala rod, go-go olketa kasem wanfala taon wea olketa save stap gudfala long hem.

Sams 143:10

Yu nao yu God blong mi, plis yu tisim mi fo duim olketa samting wea yu laekem. Plis yu kaen long mi, an yu lidim mi long wei wea hemi sef.

Sams 32:8

Yawe hemi tok olsem, “Bae mi tisim yu olketa stretfala wei fo yu falom. An bae mi gohed fo givim gudfala tingting long yu, an mi gohed fo lukaftarem yu.

Sams 48:14

“God ya, hemi God blong yumi. An bae hemi gadem yumi evritaem olowe nao.” (Singsing blong olketa long laen blong Kora.)

Sams 73:24

Yu gohed fo tisim mi fo falom wei blong yu, an bihaen, bae yu tinghae moa long mi an yu tekem mi moa fo stap wetem yu.

Sams 77:20

Taem Mosis an Eron i bin lidim olketa pipol blong yu, yu nao yu bin lukaftarem lidim olketa olsem wea man fo lukaftarem sipsip hemi lidim olketa sipsip blong hem. (Singsing blong Asaf.)

Eksodas 39:42

Olketa pipol blong Israel i wakem evrisamting ya barava olsem wea Yawe hemi bin talem long Mosis.

Eksodas 40:16

An Mosis hemi duim evrisamting ya barava olsem wea Yawe bin talem hem.

Nambas 1:54

Nao olketa blong Israel mekem evrisamting barava olsem wea Yawe hemi talem long Mosis.

Nambas 8:20

So Mosis an Haeprist Eron wetem pipol blong Israel i duim evrisamting long olketa long traeb blong Livae olsem wea Yawe hemi bin talem long Mosis.

Nambas 9:17

An evritaem klaod blong Yawe hemi goap from Tambu Haostent, olketa pipol blong Israel i muv go. An taem disfala klaod hemi kamdaon fo stap long wanfala ples, olketa pipol stap long dea.

Nambas 9:21

Samtaem, klaod ya hemi stap nomoa fo wanfala naet, o fo wanfala de an wanfala naet, bat taem wea hemi muv, olketa tu i muv. Evritaem, taem klaod hemi goap, olketa tu i muv.

Aposol 1:4

An wanfala taem wea Jisas hemi kaikai wetem olketa aposol, hemi tokstrong long olketa olsem, “Yufala mas no lusim Jerusalem yet. Yufala mas weit fastaem fo wanem Dadi blong mi hemi bin promisim yufala, olsem mi tu mi bin talem yufala finis.