Nambas 9:17 - Pijin Bible

¹⁷ An evritaem klaod blong Yawe hemi goap from Tambu Haostent, olketa pipol blong Israel i muv go. An taem disfala klaod hemi kamdaon fo stap long wanfala ples, olketa pipol stap long dea.

Pijin Deuterocanon

¹⁷ An evritaem klaod blong Yawe hemi goap from Tambu Haostent, olketa pipol blong Israel i muv go. An taem disfala klaod hemi kamdaon fo stap long wanfala ples, olketa pipol stap long dea.

Nambas 9:17 Iomraidhean Croise

Sams 32:8

Yawe hemi tok olsem, “Bae mi tisim yu olketa stretfala wei fo yu falom. An bae mi gohed fo givim gudfala tingting long yu, an mi gohed fo lukaftarem yu.

Sams 73:24

Yu gohed fo tisim mi fo falom wei blong yu, an bihaen, bae yu tinghae moa long mi an yu tekem mi moa fo stap wetem yu.

Eksodas 17:1

Olketa blong Israel evriwan i goaot moa from drae eria ya long Sini, an oltaem olketa gohed fo muv from wanfala ples fo go long narafala ples, olsem wea Yawe hemi gohed fo talem long olketa. Taem olketa kasem Refidim, olketa putumap olketa haostent blong olketa long ples ya, bat no eni wata fo dring hemi stap.

Aesaea 49:10

Bae olketa no hanggre moa, an olketa no dae moa fo wata. Ya, san an hot blong drae eria bae hemi no save spoelem olketa moa. Bikos mi sore long olketa, bae mi lidim olketa fo go long ples wea olketa gudfala springwata hemi stap long hem.

Nambas 9:22

Sapos klaod ya hemi stap antap long Tambu Haostent fo tufala de, o wanfala mans, o longtaem olsem wan yia, olketa tu stap falom, olketa no save lusim datfala ples. Bat sapos klaod ya hemi muv goap, olketa tu muv.

Gudnius abaotem Jisas Kraes wea Jon hemi raetem 10:9

Mi nao mi olsem geit blong sipsip. Eniwan hu hemi kam long mi, bae God hemi sevem hem. An bae hemi olsem sipsip wea hemi kam insaet fo stap long sef ples an hemi goaot moa fo faendem kaikai.