Nambas 9:14 - Pijin Bible

¹⁴ “An sapos eni strensa hemi stap wetem yufala, an hemi laek fo joenem yufala fo mekem Fist blong Pasova, bae hemi mas falom evri rul blong hem. Yufala mas garem wanfala lo nomoa wea hemi fitim evriwan, nomata hemi wanfala long yufala o wanfala strensa.”

Pijin Deuterocanon

¹⁴ “An sapos eni strensa hemi stap wetem yufala, an hemi laek fo joenem yufala fo mekem Fist blong Pasova, bae hemi mas falom evri rul blong hem. Yufala mas garem wanfala lo nomoa wea hemi fitim evriwan, nomata hemi wanfala long yufala o wanfala strensa.”

Nambas 9:14 Iomraidhean Croise

Esra 6:21

So olketa hu i kambaek from Babilonia, olketa evriwan i kaikaim mit blong olketa sakrifaes blong Pasova. An olketa pipol wea i bin gohed fo stap long lan ya, bat olketa les long olketa ravis wei blong olketa hiden man wea i stap raonem olketa, olketa kam tu fo mekem wosip long Yawe, an evriwan long olketa i kaikaim mit blong olketa sakrifaes ya.

Eksodas 12:43

Yawe hemi tok olsem long Mosis an Eron, “Olketa rul blong Fist blong Pasova hemi olsem: Olketa strensa mas no kaikai long fist ya.

Eksodas 12:47

Long de blong fist ya, evri pipol blong Israel mas mekem fist ya,

Levitikas 19:10

An yufala mas no gobaek long olketa plantesin blong grep blong yufala fo kolektem frut wea yufala lusim, o fo pikimap olketa frut wea hemi foldaon. Yufala mas letem olketa samting ya fo olketa puaman an strensa wea i stap wetem yufala. Mi nao Yawe, God blong yufala.

Levitikas 22:25

Yufala no save tekem kaen animol olsem from eniwan hu i no blong Israel, an yufala mas nating ofarem hem ya olsem tambu kaikai long mi. Kaen animol ya hemi no fit an hemi garem samting rong long bodi blong hem, so mi nating hapi long kaen sakrifaes wea i yusim.”

Levitikas 24:22

An nomata man ya hemi long laen blong yufala, o hemi strensa wea hemi stap wetem yufala, disfala lo hemi fo yufala evriwan, bikos mi nao Yawe, God blong yufala.”

Levitikas 25:15

Olsem, yufala mas mekem praes blong lan fo fitim namba blong olketa yia wea datfala lan hemi save givim kaikai long man hu hemi peim, go kasem yia wea bae datfala lan hemi mas gobaek fri long man hu hemi onam fastaem.

Nambas 15:15

Long ae blong mi Yawe, evriwan i semsem nomoa, nomata olketa blong Israel o olketa strensa, disfala sem rul blong sakrifaes hemi stap olowe fo olketa evriwan.

Nambas 15:16

Sem rul ya nomoa, bae yufala an eni strensa i mas falom.”

Diutronomi 29:11

Yufala nao i olketa woman, an olketa pikinini, an olketa strensa hu i katem faeawud blong yufala, an karim kam wata blong yufala.

Diutronomi 31:12

Long datfala taem, olketa man an olketa woman mas kam tugeta, an olketa pikinini an olketa strensa hu i stap wetem yufala tu mas kam tugeta, mekem olketa evriwan i save herem disfala lo. Long wei olsem, olketa save lanem wei fo tinghae long Yawe, God blong yufala. An olketa save barava falom evri toktok blong disfala lo.