Nambas 8:2 - Pijin Bible

² “Talem Haeprist Eron wea taem hemi putum olketa sevenfala smol lam long Spesol Frem fo putum olketa, olketa mas saen kam long frant.”

Pijin Deuterocanon

² “Talem Haeprist Eron wea taem hemi putum olketa sevenfala smol lam long Spesol Frem fo putum olketa, olketa mas saen kam long frant.”

Nambas 8:2 Iomraidhean Croise

Sams 119:105

Lod Yawe, tru toktok blong yu nao hemi laet wea mi save falom. An hemi gohed fo saen long wei blong mi.

Sams 119:130

Taem mining blong olketa tru toktok blong yu hemi klia, hemi givim laet long olketa pipol, an hemi mekem pipol hu i no save fo kamap waes.

Eksodas 25:37

Yu mas mekem sevenfala oel lam fo disfala frem ya, an putum antap long hem mekem hemi saen go frant long hem.

Eksodas 37:23

Olketa mekem sevenfala oel lam fo disfala Spesol Frem, an olketa sisis fo holem faea, an olketa plet long barava nambawan gol.

Eksodas 39:37

Spesol Frem fo putum Lam wea olketa wakem long nambawan gol, wetem olketa samting blong hem, an olketa lam blong hem wetem oel fo olketa.

Eksodas 40:25

Hemi putum olketa lam antap long Spesol Frem ya, frant long ples wea bae Yawe hemi stap, barava olsem wea Yawe bin talem.

Aesaea 8:20

Yufala mas lisin long olketa toktok wea Yawe hemi tisim yufala long hem. Olketa pipol hu i no falom disfala tising i olsem olketa hu i stap insaet long tudak.

Levitikas 24:4

So Eron hemi mas lukaftarem olketa lam long disfala Spesol Frem fo putum Lam wea olketa wakem long nambawan gol wea hemi stap frant long mi Yawe.”

Nambas 8:1

Oraet, Yawe hemi tok olsem long Mosis,

Nambas 8:3

Nao Eron hemi duim olsem wea Yawe hemi bin talem. Evritaem hemi putum evri lam ya, olketa saen kam long frant.

Matiu 5:14

“Yufala nao, yufala olsem laet fo olketa pipol long disfala wol. Wanfala taon wea hemi stap antap long hil, hemi no save haed from pipol fo lukim ya.

Gudnius abaotem Jisas Kraes wea Jon hemi raetem 1:9

Disfala laet hemi barava tru laet wea hemi kam long disfala wol an saen long evriwan.

2 Pita 1:19

From olketa samting ya nao, mifala biliv strong moa long wanem olketa profet bin talem. So yufala mas holestrong long olketa toktok blong olketa profet, bikos olketa toktok ya i olsem lam wea hemi saen long ples wea hemi dak tumas. Laet ya bae hemi saen go-go delaet hemi kamap, an laet blong disfala sta blong eli moning bae hemi saen insaet long maen blong yufala.

Revelesin 1:12

Nao mi taneraon fo lukim hu nao hemi tok kam long mi, an taem mi luk go, mi lukim sevenfala bikfala lam wea olketa wakem long gol.

Revelesin 1:20

Yu lukim sevenfala sta wea mi holem long raet han blong mi, an sevenfala bikfala gol lam. Olketa garem mining wea hemi haed. Olketa sevenfala sta ya hemi minim olketa enjel blong sevenfala sios ya. An sevenfala bikfala lam ya hemi minim sevenfala sios ya nomoa.”

Revelesin 4:5

Nao long tron ya, mi lukim tu laetning hemi gohed fo laet kam long hem, an mi herem bikfala noes blong tanda wea hemi bosta. Long frant long tron ya, mi lukim moa sevenfala lam olketa gohed fo laet. Olketa ya nao seven gudfala spirit blong God.