Nambas 7:9 - Pijin Bible

⁹ Bat Mosis hemi no givim eni kaat o buluka go long laen blong Kohat, bikos olketa lukaftarem olketa tambu samting wea olketa mas karim long solda blong olketa nomoa.

Pijin Deuterocanon

⁹ Bat Mosis hemi no givim eni kaat o buluka go long laen blong Kohat, bikos olketa lukaftarem olketa tambu samting wea olketa mas karim long solda blong olketa nomoa.

Nambas 7:9 Iomraidhean Croise

2 Samuel 6:13

Taem olketa man wea i karim Tambu Boks i jes stat fo wakabaot, king hemi stopem olketa fo weit fastaem. Den hemi kilim dae wanfala man buluka wetem wanfala smolfala fat buluka, fo mekem sakrifaes go long Yawe.

2 Samuel 6:3

Olketa go tekemaot Tambu Boks long haos blong Abinadab, wea hemi stap antap long hil. Olketa putum Tambu Boks long wanfala niufala kaat wea buluka hemi pulum. An taem olketa gohed fo wakabaot, Usa an Ahio, tufala san blong Abinadab, tufala gohed fo lukaftarem kaat ya.

2 Samuel 6:6

Taem olketa kam long graon blong Nakon, long ples fo klinim bali, tufala buluka ya i no wakabaot gud, so Usa hemi putum han blong hem fo holem Tambu Boks.

1 Kings 8:3

Taem olketa kam tugeta finis, olketa prist i karim Tambu Boks,

1 Kronikols 15:13

Lastaem, yufala Livaet no karim kam Tambu Boks ya, dastawe Yawe hemi panisim mifala. Yumi no askem hem abaotem barava wei fo karim Tambu Boks ya.”

1 Kronikols 15:3

Deved hemi kolem kam moa olketa blong Israel fo hipap long Jerusalem, mekem olketa tekem kambaek Tambu Boks blong Yawe, an putum long ples wea hemi redim finis fo hem.

1 Kronikols 23:26

Distaem, waka blong olketa Livaet hemi sens bikos waka fo muvum Tambu Haostent hemi finis, an waka fo karim olketa tambu samting hemi finis tu.”

Nambas 3:31

Waka blong olketa fo lukaftarem Tambu Boks long Spesol Agrimen blong Yawe, wetem Tebol fo Tambu Bred, an Spesol Frem fo putum Lam, an tufala Olta, an olketa samting wea olketa prist i yusim long Tambu Haostent ya, an bikfala kaleko wea hemi satem disfala Barava Tambu Rum. Waka long olketa samting ya hemi long han blong olketa nao.