Nambas 7:3 - Pijin Bible

³ olketa tekem kam olketa ofaring blong olketa, an givim go long Yawe long Tambu Haostent blong hem. Olketa givim siksfala kaat fo karim olketa samting. Evri tufala lida i givim go wanfala kaat tugeta. An evri lida i givim wanfala buluka, mekem wea olketa givim tuelfala buluka, so evri kaat i garem tufala buluka fo pulum. An taem olketa ofarem finis,

Pijin Deuterocanon

³ olketa tekem kam olketa ofaring blong olketa, an givim go long Yawe long Tambu Haostent blong hem. Olketa givim siksfala kaat fo karim olketa samting. Evri tufala lida i givim go wanfala kaat tugeta. An evri lida i givim wanfala buluka, mekem wea olketa givim tuelfala buluka, so evri kaat i garem tufala buluka fo pulum. An taem olketa ofarem finis,

Nambas 7:3 Iomraidhean Croise

Jenesis 45:19

An yu mas talem long olketa tu wea olketa mas tekem samfala long olketa kaat long hia long Ijip, fo tekem kam olketa waef blong olketa wetem olketa smolfala pikinini. Olketa mas tekem kam dadi blong yufala tu.

Jenesis 45:21

Nao olketa brata ya blong Josef olketa duim olsem wea hemi talem. Josef hemi givim olketa bikfala kaat long olketa, olsem wea hemi talem, an hemi givim kaikai long olketa fo kaikaim long rod,

Esra 2:68

Taem olketa pipol ya i kasem Jerusalem, olketa go long disfala ples wea Tambuhaos blong Yawe hemi stap long hem bifoa. Nao samfala hed long laen blong olketa i givim spesol ofaring falom wanem olketa laekem, fo helpem olketa bildimbaek moa Tambuhaos ya long ples blong hem.

Eksodas 25:2

“Bae yu talem olketa pipol blong Israel, fo givim kam ofaring long mi. An yu mas tekem wanem olketa wande ofarem.

Aesaea 66:20

Bae olketa ya i tekem kam olketa wantok blong yufala wea i stap kam long olketa narafala kantri, fo kam long Tambu Maonten blong mi ya long Jerusalem, an givim kam olketa pipol ya long mi Yawe olsem wanfala ofaring. Bae olketa tekem kam olketa pipol ya long olketa hos, an olketa dongki, an olketa kamel, an long olketa kaat wea olketa hos i pulum, an olketa kaat wea olketa buluka i pulum. Olketa ya i tekem kam olketa wantok blong yufala long mi olsem wanfala ofaring. Hemi barava olsem wea yufala blong Israel i karim kam olketa kaikai blong yufala insaet long olketa basket wea i klin long ae blong mi, fo ofarem kam long mi insaet long Tambuhaos.

Emos 2:13

Dastawe nao disfala panis wea bae mi givim long yufala hemi barava hevi fogud olsem kaat hemi no save muv bikos hemi barava fulap tumas long kaikai.

Nambas 7:4

Yawe hemi tok olsem long Mosis,