Nambas 5:2 - Pijin Bible

² “Talem pipol blong Israel fo sendemaot from ples blong olketa eniwan hu hemi garem ravis sik long skin, o hemi garem sik wea nana hemi kamaot from hem, o hemi tasim ded bodi.

Pijin Deuterocanon

² “Talem pipol blong Israel fo sendemaot from ples blong olketa eniwan hu hemi garem ravis sik long skin, o hemi garem sik wea nana hemi kamaot from hem, o hemi tasim ded bodi.

Nambas 5:2 Iomraidhean Croise

2 Kings 7:3

Long datfala taem, fofala man wea i garem ravis sik long skin blong olketa, i stap aotsaet long geit blong wolston blong Samaria. An fofala tok olsem, “?Waswe nao yumi gohed fo weit long hia go-go yumi dae?

Levitikas 13:45

“Sapos eniwan hemi garem ravis sik long skin, oraet, hemi mas werem olketa kaleko wea hemi brek, an hemi mas no lukaftarem hea blong hem. Hemi mas kavaremap maos blong hem, an sapos hemi lukim narafala man, hemi mas singaot olsem, ‘!Mi no klin! !Mi no klin!’

Levitikas 13:46

Nomata disfala sik hemi stap longtaem, hemi no klin long ae blong mi go kasem taem wea sik hemi finis. An hemi mas lusim ples wea olketa pipol i stap long hem, an hemi mas stap seleva aotsaet long ples.”

Levitikas 13:8

An prist hemi mas lukluk long hem moa, an sapos hemi lukim olsem disfala soa hemi gohed fo spred, oraet, hemi mas talemaot dat hemi no klin long ae blong mi, bikos soa ya hemi wanfala ravis sik blong skin.

Levitikas 14:8

Bihaen, man ya hemi mas wasim olketa kaleko an hemi mas resarem evri hea blong hem, an hemi mas suim, an taem hemi duim olketa samting ya, hemi klin long ae blong mi. Stat long datfala taem, hemi save kam insaet long ples wea yufala stap long hem, bat hemi no save go insaet long haostent blong hem. Hemi mas slip aotsaet long haostent blong hem go kasem sevenfala de.

Levitikas 21:1

Yawe tok olsem long Mosis, “Talem toktok blong mi long Eron wetem olketa prist long laen blong hem. Taem wantok blong prist hemi dae, datfala prist mas no go kolsap long bodi, bikos bae hemi mekem hem fo no klin long ae blong mi.

Levitikas 23:29

Sapos eniwan hemi brekem tambu long kaikai long disfala bikde, oraet, yufala mas aotem hem from pipol blong mi.

Nambas 12:10

an klaod ya tu hemi muvaot from Tambu Haostent. Long semtaem tu wanfala ravis sik hemi kasem skin blong Miriam wea hemi spoelem finis bodi blong hem, an hemi mekem skin blong hem fo barava waet fogud. An Eron hemi lukim samting ya long skin blong Miriam.

Nambas 12:14

An Yawe hemi tok olsem, “Kastom blong yufala hemi olsem, sapos dadi blong hem hemi spit long fes blong hem, bae hemi barava sem fogud, an bae hemi mas stap aotsaet from ples fo sevenfala de. Hem nao panis blong hem. Yu mas putumaot sista blong yu fo stap aotsaet from ples fo wanfala ful wik. Bihaen, yufala save tekem hem kambaek moa fo stap wetem yufala.”

Nambas 31:19

“Oraet, yufala evriwan hu i bin kilim dae eniwan, o tasim ded bodi, bae yufala mas stap aotsaet from ples blong yumi fo sevenfala de. Nao long mektri de, an long mekseven de, yufala wetem olketa gele wea yufala tekem kam olketa, bae yufala mas mekem yufala seleva fo kamap klin long ae blong Yawe.

Nambas 5:1

Yawe hemi tok moa olsem long Mosis,