Nambas 5:17 - Pijin Bible

¹⁷ An hemi mas kapsaetem samfala tambu wata go long wanfala kontena wea olketa wakem long graon, an hemi mas tekem lelebet dast from floa blong Tambu Haostent an putum long wata ya.

Pijin Deuterocanon

¹⁷ An hemi mas kapsaetem samfala tambu wata go long wanfala kontena wea olketa wakem long graon, an hemi mas tekem lelebet dast from floa blong Tambu Haostent an putum long wata ya.

Nambas 5:17 Iomraidhean Croise

Stori abaotem Job 2:12

Taem olketa stap farawe yet, olketa luk go long Job, bat olketa nating luksave long hem nao. Den olketa stat fo krae bikfala, an brekem kaleko blong olketa, an torowem dast long hed blong olketa bikos olketa barava sore tumas long hem.

Eksodas 30:18

“Bae yu mas wakem wanfala besin long bras an yu mas yusim bras fo wakem botom fo besin hemi stap long hem. Yu mas putum besin ya long midol long disfala olta fo bonem sakrifaes an Tambu Haostent, an yu mas putum wata insaet long hem.

Jeremaea 17:13

O Yawe. Yu nao God wea mifala long Israel save dipen long hem. Olketa hu i lusim yu, bae i sem tumas. Eniwan hu hemi les long yu, bae hemi olsem toktok wea olketa raetemdaon long sanbis. Bae hemi lus finis bikos hemi lusim yu Yawe, hu yu olsem nambawan springwata wea hemi givim laef.

Lamentesin 3:29

Hemi gud fo hemi mekem hem seleva lou, bikos maet gudfala samting hemi hapen yet.

Nambas 5:16

“Nao prist hemi mas tekem kam disfala woman, an mekem hem stanap kolsap long olta long frant long mi Yawe.

Nambas 5:18

Hemi mas aotem enisamting from hea blong woman. Den hemi mas mekem disfala woman holem ofaring long flaoa bikos man hemi joles an hemi laek fo faendemaot wanem hemi tru. An prist hemi mas holem disfala wata wea hemi save spoelem laef blong eniwan hu i no stret.

Gudnius abaotem Jisas Kraes wea Jon hemi raetem 8:6

Olketa askem Jisas olsem bikos olketa laek fo trikim hem nomoa ya, mekem olketa save ripotem hem. Bat Jisas hemi bendaon nomoa, an hemi raet long graon wetem fingga blong hem.

Gudnius abaotem Jisas Kraes wea Jon hemi raetem 8:8

An hemi bendaon moa an hemi gohed fo raet long graon.