Nambas 4:32 - Pijin Bible

³² An olketa mas karim tu olketa pos blong fens wea hemi raonem Tambu Haostent, wetem evri spesol botom blong olketa pos ya, an olketa samting fo holem fens an olketa rop blong hem, an evri tul fo duim waka long hem. An yu mas talemaot nem blong samting wea evri man mas karim.

Pijin Deuterocanon

³² An olketa mas karim tu olketa pos blong fens wea hemi raonem Tambu Haostent, wetem evri spesol botom blong olketa pos ya, an olketa samting fo holem fens an olketa rop blong hem, an evri tul fo duim waka long hem. An yu mas talemaot nem blong samting wea evri man mas karim.

Nambas 4:32 Iomraidhean Croise

1 Kronikols 9:29

An samfala long olketa bin lukaftarem olketa narafala tambu samting, an flaoa, an waen, an oliv oel, an insens, an olketa samting fo mekem tambu oel hemi smel naes.

Eksodas 25:9

An yufala mas wakem disfala Tambu Haostent an evrisamting insaet long hem, barava falom plan wea bae mi som long yu.”

Eksodas 27:9

Yawe hemi gohed fo tok olsem, “Bae yu mas wakem fens fo mekem wanfala open eria raonem Tambu Haostent. Yu mas somap wanfala longfala kaleko long nambawan waet kaleko, fo hangem long disfala fens raonem open eria ya. Long saot saet blong fens ya, longfala blong kaleko ya mas kasem 45 mita.

Eksodas 38:17

Olketa yusim silva fo wakem olketa reil fo holem olketa pos long fens ya. An olketa yusim silva fo wakem olketa huk fo hangem longfala kaleko ya. An olketa wakem olketa spesol botom ya long bras.

Eksodas 38:21

Hem nao list blong olketa gol, an silva, an bras wea olketa yusim long Tambu Haostent wea olketa kolem tu “Haostent blong Saen long Spesol Agrimen blong Yawe.” Mosis hemi talem Itama, san blong Eron hu hemi prist, fo hemi mekem disfala list, an hemi talem olketa Livaet fo helpem hem.

Nambas 3:36

Waka blong olketa fo lukaftarem olketa pat blong Tambu Haostent. Hem nao olketa longfala pis timba, an olketa frem, an olketa spesol botom fo holem olketa frem ya, an olketa narafala samting blong hem. Waka long olketa samting ya hemi long han blong olketa nao.

Nambas 3:8

Oltaem olketa mas lukaftarem evrisamting long Tambu Haostent blong mi, an olketa mas duim waka wea mi bin talem long yufala evriwan.

Nambas 4:31

Waka blong olketa fo karim olketa samting blong Tambu Haostent. Olketa samting wea olketa mas karim hemi olsem: olketa longfala pis timba, an olketa frem, an olketa spesol botom fo holem olketa frem ya.

Nambas 4:33

Hem nao olketa waka blong laen blong Merari long Tambu Haostent. Nao Itama, san blong Haeprist Eron, hemi bos blong olketa long olketa waka ya.”

Nambas 4:49

So falom olketa samting wea Yawe hemi bin talem Mosis, olketa kaontem olketa man ya an talemaot waka long evri man, wanem evriwan mas pakemap an karim.

Nambas 7:1

Taem Mosis hemi putumap Tambu Haostent finis, hemi yusim tambu oel fo mektambu long hem wetem evrisamting wea i stap insaet, an hemi mektambu long olta wetem evri tul blong hem.