Nambas 4:25 - Pijin Bible

²⁵ Olketa samting wea olketa ya mas karim hemi olsem: kaleko blong wol blong Tambu Haostent, wetem kava wea olketa wakem long skin blong man sipsip, an narafala kava wea olketa wakem long skin blong jiukong, an bikfala kaleko fo satem doa,

Pijin Deuterocanon

²⁵ Olketa samting wea olketa ya mas karim hemi olsem: kaleko blong wol blong Tambu Haostent, wetem kava wea olketa wakem long skin blong man sipsip, an narafala kava wea olketa wakem long skin blong jiukong, an bikfala kaleko fo satem doa,

Nambas 4:25 Iomraidhean Croise

Eksodas 26:1

Yawe hemi gohed fo tok olsem long Mosis, “Bae yu mas wakem Tambu Haostent blong mi long tenfala pis long nambawan waet kaleko. Yu mas dekoretem olketa long blu koton, an papol koton, an red koton. An wanfala man hu hemi save duim, hemi mas somap samfala piksa blong olketa enjel long olketa pis kaleko ya.

Eksodas 26:14

An yu mas somapem tufala bikfala samting fo kavarem antap long haostent ya. Wanfala, yu mas wakem long skin blong man sipsip wea hemi red, an narawan, yu mas wakem long skin blong jiukong.

Eksodas 40:19

Nao olketa putumap bikfala kaleko ya antap long olketa frem ya, an putumap go narafala kava antap long hem moa, barava olsem wea Yawe bin talem long Mosis.

Nambas 1:50

Waka blong traeb blong Livae hemi fo lukaftarem Tambu Haostent wetem evrisamting wea i stap long hem. Oltaem olketa mas putumap evri haostent blong olketa raonem Tambu Haostent, an sapos yufala muv go long narafala ples, olketa ya mas karim Tambu Haostent wetem evrisamting. Bae olketa nomoa mas tekemaot Tambu Haostent, an mas putumap moa long eni ples wea bae yufala go long hem. Bat sapos eni narafala man hemi kam insaet long tambuples, yufala mas kilim hem dae.

Nambas 4:24

Waka blong olketa fo pakemap an karim olketa kaleko an kava blong Tambu Haostent.

Nambas 4:6

Den trifala mas tekem wanfala skin blong jiukong, an kavaremap moa Tambu Boks ya. An bihaen, trifala mas tekem wanfala blu kaleko, an kavaremap moa long hem. Den trifala mas putumbaek tufala spesol stik fo karim Tambu Boks ya.