Nambas 4:16 - Pijin Bible

¹⁶ “Nao Eleasa, san blong Haeprist Eron, hemi prist fo lukaftarem Tambu Haostent wetem evrisamting wea hemi stap long hem. Olketa samting ya nao i oel blong olketa lam long Spesol Frem fo putum Lam, an spesol insens, an olketa nambawan flaoa blong sakrifaes, an disfala oel fo mektambu long olketa samting, an olketa narafala tambu samting blong Tambu Haostent.”

Pijin Deuterocanon

¹⁶ “Nao Eleasa, san blong Haeprist Eron, hemi prist fo lukaftarem Tambu Haostent wetem evrisamting wea hemi stap long hem. Olketa samting ya nao i oel blong olketa lam long Spesol Frem fo putum Lam, an spesol insens, an olketa nambawan flaoa blong sakrifaes, an disfala oel fo mektambu long olketa samting, an olketa narafala tambu samting blong Tambu Haostent.”

Nambas 4:16 Iomraidhean Croise

Eksodas 25:6

oliv oel fo laet, olketa lif ya wea hemi garem gudfala smel fo putum go long insens, an fo putum long tambu oel ya fo mektambu long olketa man an olketa samting,

Eksodas 30:22

Yawe hemi gohed fo tok olsem long Mosis,

Eksodas 31:11

an Tambu Oel ya fo mektambu long olketa samting ya fo mi, an Insens wea hemi garem gudfala smel, wea olketa prist bae i gohed fo yusim long Tambu Rum. Olketa mas wakem olketa samting ya, barava olsem wea mi bin talem long yu.”

Eksodas 37:29

Olketa barava wakem gudfala disfala tambu oel fo mektambu long olketa samting. An olketa barava wakem gudfala tu disfala tambu insens wea hemi garem gudfala smel.

Levitikas 24:1

Yawe hemi tok olsem long Mosis,

Levitikas 24:2

“Talem olketa blong Israel wea olketa mas tekem kam nambawan klin oliv oel fo olketa lam blong Spesol Frem fo putum Lam insaet long Tambu Haostent, mekem hemi save laet olowe.

Levitikas 6:20

“Hem ya nao disfala ofaring long flaoa blong nambawan wit wea Eron o eni san bihaen long hem hemi mas tekem kam long mi Yawe stat long taem wea olketa mektambu long hem fo kamap hae prist. Evri de hemi mas tekem wan kilo nambawan flaoa an divaedem long tufala haf. Wanfala haf hemi mas ofarem long moning, an narafala haf long ivining.

Nambas 3:32

Eleasa, san blong Eron, hemi bos long olketa Livaet. An waka blong hem hemi fo lukaftarem olketa man hu i waka long Tambu Haostent.

Nambas 4:17

Yawe hemi gohed fo tok olsem long Mosis an Haeprist Eron,

Gudnius abaotem Jisas Kraes wea Luk hemi raetem 4:18

“Spirit blong God hemi stap wetem mi, bikos hemi siusim mi fo talemaot Gudnius long olketa pua pipol. Hemi sendem mi fo talemaot long olketa hu i stap long prisin dat bae olketa fri nao, an fo talem olketa hu i blaen dat bae olketa save lukluk moa, an fo talem olketa hu i stap andanit long paoa blong olketa nara pipol dat bae olketa fri moa.

Aposol 20:28

So yufala mas lukaftarem yufala seleva gudfala, wetem evri pipol wea Holi Spirit hemi putum long han blong yufala. Yufala mas stap olsem olketa man fo lukaftarem olketa sipsip, an lukaftarem gud disfala sios blong God wea hemi bin peimaot taem San blong hem hemi dae olsem wanfala sakrifaes.

1 Korin 4:1

Yufala mas tingim mifala olsem olketa wakaman blong Kraes ya, wea mifala waka fo talemaot olketa toktok blong God wea i staphaed.

1 Timoti 2:5

Wanfala God nomoa hemi stap ya, an wanfala man nomoa hemi stap hu hemi lidim olketa pipol go long God, an disfala man ya nao hemi Jisas Kraes.

Hibrus 3:1

Olketa Kristin fren blong mi wea God hemi siusim yufala finis, yufala mas putum tingting blong yufala strong long Jisas, wea God hemi sendem kam olsem Haeprist blong yumi. An hem nao wanem yumi bilivim.

Hibrus 3:6

Bat Kraes wea hemi San Blong God, hem nao hemi Masta blong disfala haos blong God wea hemi lukaftarem gudfala tumas. An yumi nao disfala haos blong God, sapos yumi gohed nomoa fo holestrong long biliv an yumi hapi fo mekem tingting blong yumi i stap strong long God oltaem.

1 Pita 2:25

Bifoa, yufala olsem olketa sipsip wea i lus finis. Bat distaem, yufala kambaek moa long Man Fo Lukaftarem Sipsip, hu hemi save lukaftarem laef blong yufala.

1 Pita 5:2

yufala mas lukaftarem gud olketa pipol wea God hemi putum long han blong yufala. Olketa i olsem olketa sipsip fo yufala lukaftarem. So yufala mas wiling fo lukaftarem olketa gudfala, olsem wea God hemi laekem yufala fo duim. Hemi nogud fo yufala duim disfala waka fo garem seleni nomoa. Yufala mas duim waka olsem, bikos yufala barava wiling fo helpem olketa.