Nambas 4:15 - Pijin Bible

¹⁵ Taem yufala redi fo muv go long narafala ples, olketa long laen blong Kohat mas kam karim evrisamting ya. Bat fastaem, Eron wetem tufala san blong hem i mas kavaremap evrisamting fo mekem redi, bikos olketa long laen blong Kohat i no save tasim olketa tambu samting ya. Sapos olketa tasim, bae olketa dae.

Pijin Deuterocanon

¹⁵ Taem yufala redi fo muv go long narafala ples, olketa long laen blong Kohat mas kam karim evrisamting ya. Bat fastaem, Eron wetem tufala san blong hem i mas kavaremap evrisamting fo mekem redi, bikos olketa long laen blong Kohat i no save tasim olketa tambu samting ya. Sapos olketa tasim, bae olketa dae.

Nambas 4:15 Iomraidhean Croise

2 Samuel 15:24

Long datfala taem, Prist Sadok an samfala Livaet hu i karim kam Tambu Boks blong Spesol Agrimen blong God, i go stap antap long hil. Nao olketa Livaet i putumdaon Tambu Boks blong God long dea. An Prist Abiata, hemi goap tu kasem Tambu Boks ya, an hemi stap long dea go-go olketa evriwan i lusim Jerusalem finis.

2 Samuel 6:13

Taem olketa man wea i karim Tambu Boks i jes stat fo wakabaot, king hemi stopem olketa fo weit fastaem. Den hemi kilim dae wanfala man buluka wetem wanfala smolfala fat buluka, fo mekem sakrifaes go long Yawe.

1 Kings 8:3

Taem olketa kam tugeta finis, olketa prist i karim Tambu Boks,

1 Kronikols 15:15

An taem olketa Livaet i karim Tambu Boks ya, olketa karim hem long tufala longfala timba long solda blong olketa. Hem nao olsem wea Yawe hemi bin talem long Mosis bifoa.

1 Kronikols 15:2

Nao hemi tok olsem, “Olketa Livaet nomoa i garem raet fo karim Tambu Boks blong God, bikos Yawe hemi bin siusim olketa ya fo karim hem, an duim olketa waka blong hem olowe.”

1 Kronikols 23:26

Distaem, waka blong olketa Livaet hemi sens bikos waka fo muvum Tambu Haostent hemi finis, an waka fo karim olketa tambu samting hemi finis tu.”

Eksodas 19:12

Yu mas putum baondri fo goraonem maonten ya, an yu mas talem olketa dat olketa no save kamap long maonten ya o tasim botom long hem. Sapos eniwan hemi tasim nomoa disfala maonten bae hemi mas dae nao.

Eksodas 19:21

an Yawe hemi tok olsem long hem, “Yu godaon, an stopem olketa pipol ya fo no kam ovam baondri ya wea yu putum, mekem olketa no lukim mi Yawe. Sapos olketa kam ovam baondri ya, plande long olketa bae i dae.

Eksodas 27:7

Nao taem yu laek fo karim, yu mas pusum go tufala stik ya insaet long olketa ring long tufala saet blong olta ya fo karim.

Levitikas 16:13

Nao long frant long mi, hemi mas putum insens go long faea long dis, an smok blong hem bae hemi mekem Eron hemi no save lukim kava blong Tambu Boks, so bae hemi no dae.

Nambas 1:50

Waka blong traeb blong Livae hemi fo lukaftarem Tambu Haostent wetem evrisamting wea i stap long hem. Oltaem olketa mas putumap evri haostent blong olketa raonem Tambu Haostent, an sapos yufala muv go long narafala ples, olketa ya mas karim Tambu Haostent wetem evrisamting. Bae olketa nomoa mas tekemaot Tambu Haostent, an mas putumap moa long eni ples wea bae yufala go long hem. Bat sapos eni narafala man hemi kam insaet long tambuples, yufala mas kilim hem dae.

Nambas 10:21

Den olketa long laen blong Kohat i muv goaot an olketa karim evri tambu samting blong Tambu Haostent. An taem olketa kasem niufala ples, olketa long laen blong Geson an Merari i putumap finis Tambu Haostent mekem hemi redi fo olketa tambu samting.

Nambas 18:3

Olketa long traeb blong Livae mas waka andanit long yu, an mas gadem Tambu Haostent. Bat olketa mas no kam kolsap long olta blong sakrifaes, o long olketa tambu samting. Sapos olketa tasim eni tambu samting, bae olketa an yufala mas dae.

Nambas 3:38

Mosis wetem Haeprist Eron an tufala san blong hem i putumap haostent blong olketa long frant long Tambu Haostent blong Yawe, long saet long ist. Olketa nomoa save mekem wosip, an mekem olketa sakrifaes blong pipol blong Israel long tambuples. Bat sapos eni narafala man hemi kam insaet long tambuples, yufala mas kilim hem dae.

Nambas 4:14

Oraet, trifala mas putum evrisamting wea olketa yusim fo waka long disfala olta antap long hem. Hem nao olketa tul fo mekem faea, an olketa huk, an savol, an besin. Nao trifala mas tekem wanfala skin blong jiukong an kavaremap disfala olta moa. An bihaen, trifala mas putumbaek tufala spesol stik fo karim disfala olta.

Nambas 7:9

Bat Mosis hemi no givim eni kaat o buluka go long laen blong Kohat, bikos olketa lukaftarem olketa tambu samting wea olketa mas karim long solda blong olketa nomoa.

Diutronomi 31:9

Nao Mosis hemi raetemdaon disfala buk blong Lo blong Yawe, an hemi givim go long olketa prist an long olketa lida blong pipol blong Israel. Olketa prist ya i long traeb blong Livae, an olketa save karim Tambu Boks blong Spesol Agrimen blong Yawe.

Josua 4:10

Olketa prist ya i gohed fo stanap long midol long riva ya, go-go kasem taem wea olketa man ya i finisim evrisamting wea Yawe hemi talem long Josua fo talem long olketa fo duim. Hem nao olketa samting wea Mosis bin talem long Josua. Olketa pipol i hariap fo go akros long riva,

1 Samuel 6:19

Long datfala taem, Yawe hemi kilim dae seventifala man blong Bet-Semes bikos olketa luk insaet long Tambu Boks blong hem. An olketa pipol i filnogud tumas an gohed fo krae long disfala had samting wea Yawe hemi duim.