Nambas 4:14 - Pijin Bible

¹⁴ Oraet, trifala mas putum evrisamting wea olketa yusim fo waka long disfala olta antap long hem. Hem nao olketa tul fo mekem faea, an olketa huk, an savol, an besin. Nao trifala mas tekem wanfala skin blong jiukong an kavaremap disfala olta moa. An bihaen, trifala mas putumbaek tufala spesol stik fo karim disfala olta.

Pijin Deuterocanon

¹⁴ Oraet, trifala mas putum evrisamting wea olketa yusim fo waka long disfala olta antap long hem. Hem nao olketa tul fo mekem faea, an olketa huk, an savol, an besin. Nao trifala mas tekem wanfala skin blong jiukong an kavaremap disfala olta moa. An bihaen, trifala mas putumbaek tufala spesol stik fo karim disfala olta.

Nambas 4:14 Iomraidhean Croise

2 Kronikols 4:19

An Solomon hemi talem olketa wakaman fo mekem olketa samting fo putum insaet long Tambuhaos. Olketa samting wea olketa wakem long nambawan gol hemi olsem: Olta fo Bonem Insens. Olketa Tebol fo Tambu Bred.

Eksodas 27:1

Yawe hemi gohed fo tok olsem long Mosis, “Bae yu mas wakem wanfala olta long timba blong akesia tri. Olta ya hemi mas skuea, wea longfala an waed blong hem mas kasem 225 sentemita, an hae blong hem mas kasem 135 sentemita.

Eksodas 27:3

Yu mas wakem olketa baket fo holem asis. An yu mas wakem olketa smolfala savol, an olketa besin, an olketa fok, an olketa baket fo karim hot sakol o asis blong faea wea hemi laet yet. Yu mas wakem evrisamting ya long bras.

Nambas 4:13

“Den trifala mas tekemaot olketa asis long olta wea hemi stap long disfala open tambuples, an trifala mas kavaremap disfala olta long wanfala papol kaleko.

Nambas 4:15

Taem yufala redi fo muv go long narafala ples, olketa long laen blong Kohat mas kam karim evrisamting ya. Bat fastaem, Eron wetem tufala san blong hem i mas kavaremap evrisamting fo mekem redi, bikos olketa long laen blong Kohat i no save tasim olketa tambu samting ya. Sapos olketa tasim, bae olketa dae.

Nambas 4:6

Den trifala mas tekem wanfala skin blong jiukong, an kavaremap moa Tambu Boks ya. An bihaen, trifala mas tekem wanfala blu kaleko, an kavaremap moa long hem. Den trifala mas putumbaek tufala spesol stik fo karim Tambu Boks ya.