Nambas 4:12 - Pijin Bible

¹² Bat olketa narafala samting wea trifala yusim long olta long Tambu Haostent, trifala mas rolemap long wanfala blu kaleko, an trifala mas rolemap olketa moa long wanfala skin blong jiukong, an trifala mas putum long wanfala frem fo karim.

Pijin Deuterocanon

¹² Bat olketa narafala samting wea trifala yusim long olta long Tambu Haostent, trifala mas rolemap long wanfala blu kaleko, an trifala mas rolemap olketa moa long wanfala skin blong jiukong, an trifala mas putum long wanfala frem fo karim.

Nambas 4:12 Iomraidhean Croise

1 Kronikols 9:28

Samfala Livaet i bin lukaftarem evrisamting wea olketa prist i yusim long taem fo wosip. Evritaem olketa bin tekemaot evrisamting ya, olketa kaontem, an evritaem olketa putumbaek evrisamting ya, olketa kaontem moa.

1 Kronikols 9:29

An samfala long olketa bin lukaftarem olketa narafala tambu samting, an flaoa, an waen, an oliv oel, an insens, an olketa samting fo mekem tambu oel hemi smel naes.

2 Kronikols 4:11

An olketa wakem finis tu olketa baket fo holem asis, an olketa savol, an olketa besin. So Huram hemi finisim evri waka wea King Solomon hemi kolem hem kam fo duim long Tambuhaos blong God.

2 Kronikols 4:16

Olketa baket fo holem asis, an olketa savol, an olketa fok blong mit. Hem nao evrisamting blong Tambuhaos wea Huram hemi wakem long bras fo King Solomon.

2 Kronikols 4:19

An Solomon hemi talem olketa wakaman fo mekem olketa samting fo putum insaet long Tambuhaos. Olketa samting wea olketa wakem long nambawan gol hemi olsem: Olta fo Bonem Insens. Olketa Tebol fo Tambu Bred.

2 Kronikols 4:22

An olketa samting fo kilim lam, an olketa dis fo karim insens, an olketa savol fo karim asis wea hemi gohed fo laet. An olketa gol wea i kavarem tufala doa blong Barava Tambu Rum, an tufala doa blong bikfala rum blong Tambuhaos.

Eksodas 25:5

skin blong man sipsip wea olketa mekem red, skin blong jiukong, timba blong akesia tri,

Eksodas 25:9

An yufala mas wakem disfala Tambu Haostent an evrisamting insaet long hem, barava falom plan wea bae mi som long yu.”

Eksodas 31:10

An olketa mas wakem tu olketa spesol tambu kaleko fo Eron an fo olketa san blong hem, wea bae olketa werem fo duim waka fo mi taem olketa kamap prist,

Nambas 3:8

Oltaem olketa mas lukaftarem evrisamting long Tambu Haostent blong mi, an olketa mas duim waka wea mi bin talem long yufala evriwan.

Nambas 4:11

“An narafala samting, trifala mas tekem wanfala blu kaleko fo kavaremap olta wea olketa wakem long gol, an trifala mas tekem wanfala skin blong jiukong fo kavaremap olta ya moa. Den trifala mas putumbaek tufala spesol stik fo karim disfala olta.

Nambas 4:13

“Den trifala mas tekemaot olketa asis long olta wea hemi stap long disfala open tambuples, an trifala mas kavaremap disfala olta long wanfala papol kaleko.

Nambas 4:6

Den trifala mas tekem wanfala skin blong jiukong, an kavaremap moa Tambu Boks ya. An bihaen, trifala mas tekem wanfala blu kaleko, an kavaremap moa long hem. Den trifala mas putumbaek tufala spesol stik fo karim Tambu Boks ya.

Nambas 4:7

“An trifala mas tekem narafala blu kaleko, an kavaremap Tebol fo Tambu Bred. Nao trifala mas tekem olketa plet an besin, an olketa kap, an olketa botol waen, an trifala mas putum long Tebol, antap long datfala blu kaleko. An Tambu Bred hemi mas stap long disfala Tebol olowe.

Nambas 4:9

“An trifala mas tekem narafala blu kaleko, an kavaremap Spesol Frem fo putum Lam an samting fo kilim laet, an olketa trei, an olketa botol oel.