Nambas 4:10 - Pijin Bible

¹⁰ Den trifala mas tekem wanfala skin blong jiukong, an rolemap olketa samting ya long hem, bifoa trifala putum long wanfala frem fo karim.

Pijin Deuterocanon

¹⁰ Den trifala mas tekem wanfala skin blong jiukong, an rolemap olketa samting ya long hem, bifoa trifala putum long wanfala frem fo karim.

Nambas 4:10 Iomraidhean Croise

Eksodas 25:31

Yawe hemi gohed fo tok olsem, “Bae yu mas yusim nambawan gol fo wakem wanfala spesol frem fo putum olketa lam. An yu mas hamarem gol ya fo mekem botom an pos blong hem. Olketa kap fo putum oel lam antap long hem, yu mas mekem olketa kap ya fo luk olsem flaoa, mekem evri pat long hem long wanfala pis gol nomoa.

Eksodas 25:5

skin blong man sipsip wea olketa mekem red, skin blong jiukong, timba blong akesia tri,

Nambas 4:11

“An narafala samting, trifala mas tekem wanfala blu kaleko fo kavaremap olta wea olketa wakem long gol, an trifala mas tekem wanfala skin blong jiukong fo kavaremap olta ya moa. Den trifala mas putumbaek tufala spesol stik fo karim disfala olta.

Nambas 4:12

Bat olketa narafala samting wea trifala yusim long olta long Tambu Haostent, trifala mas rolemap long wanfala blu kaleko, an trifala mas rolemap olketa moa long wanfala skin blong jiukong, an trifala mas putum long wanfala frem fo karim.

Nambas 4:6

Den trifala mas tekem wanfala skin blong jiukong, an kavaremap moa Tambu Boks ya. An bihaen, trifala mas tekem wanfala blu kaleko, an kavaremap moa long hem. Den trifala mas putumbaek tufala spesol stik fo karim Tambu Boks ya.

Nambas 4:9

“An trifala mas tekem narafala blu kaleko, an kavaremap Spesol Frem fo putum Lam an samting fo kilim laet, an olketa trei, an olketa botol oel.