Nambas 35:22 - Pijin Bible

^22-24 “Bat sapos wanfala man hu hemi no kros an hemi no garem tingting fo spoelem nara man, hemi kilim dae narafala man bat hemi nating minim fo duim, olketa pipol long ples mas mekem kot fo lukluk gudfala long disfala samting. Maet hemi bin pusum narafala man foldaon, o sutim hem long enisamting, o sutim ston long narafala samting, bat hemi kasem man mekem hem dae. Long kot wea olketa pipol mekem, olketa mas faendemaot sapos man hemi minim fo duim o nomoa. An olketa mas tingting long olketa lo ya an talemaot dat wantok blong man dae hemi garem raet fo kilim dae man ya o nomoa.

Pijin Deuterocanon

^22-24 “Bat sapos wanfala man hu hemi no kros an hemi no garem tingting fo spoelem nara man, hemi kilim dae narafala man bat hemi nating minim fo duim, olketa pipol long ples mas mekem kot fo lukluk gudfala long disfala samting. Maet hemi bin pusum narafala man foldaon, o sutim hem long enisamting, o sutim ston long narafala samting, bat hemi kasem man mekem hem dae. Long kot wea olketa pipol mekem, olketa mas faendemaot sapos man hemi minim fo duim o nomoa. An olketa mas tingting long olketa lo ya an talemaot dat wantok blong man dae hemi garem raet fo kilim dae man ya o nomoa.

Nambas 35:22 Iomraidhean Croise

Eksodas 21:13

Bat sapos man olsem hemi no tingting fo kilim dae narafala man ya, hemi aksiden nomoa, bae hemi save ranawe an go haed long wanfala ples wea bae mi siusim fo hemi stap sef long hem.

Nambas 35:11

yufala mas siusim siksfala taon fo kamap olketa taon fo haed. Sapos wanfala man hemi no minim nomoa fo kilim dae narafala man bat man ya hemi dae nao, yufala mas letem disfala man ranawe go fo haed long wanfala long olketa taon ya.

Nambas 35:20

“O sapos eniwan hemi kros an tingting fo spoelem narafala man an hemi kilim man ya dae long eni wei olsem hemi pusum hem foldaon, o hemi sutim hem long ston,

Nambas 35:21

o hemi kros an faetem hem, oraet, hem tu hemi man fo kil, an yufala mas kilim hem dae. An wantok blong man hu hemi dae, hem nao mas kilim hem dae taem hemi kasem hem.

Diutronomi 19:5

Wanfala eksampol, maet wanfala man wetem fren blong hem, tufala wakabaot go long bus fo katem faeawud. An man ya hemi gohed fo katemdaon wanfala tri, nao aks blong hem hemi kamaot, an hemi go kasem fren blong hem nao hemi dae wantaem. Sapos samting olsem hemi hapen, oraet man ya hemi save ranawe go haed long wanfala taon fo haed ya, mekem hemi sef long dea.

Josua 20:3

Sapos wanfala man hemi no minim nomoa fo kilim dae narafala man bat man ya hemi dae nao, disfala man save ranawe go fo haed long wanfala long olketa taon ya. An sapos wanfala wantok blong disfala man wea hemi dae hemi kam fo kilim hem dae fo sensim laef blong datfala wantok blong hem, bae hemi no save kilim hem dae.

Josua 20:5

Sapos wantok wea hemi garem raet fo kilim dae disfala man hemi kam fo askem olketa man blong taon ya fo hem, bae olketa evriwan mas no letem man ya fo hem. Olketa mas gadem hem mekem disfala wantok no save kilim dae narafala man ya bikos dae ya hemi wanfala aksiden nomoa an man ya no heitem man hu hemi dae.