Nambas 34:6 - Pijin Bible

⁶ “An long west, spialaen ya hemi stat long datfala smolfala riva long saot, an hemi falom saet blong Mediterenian Si go long not.

Pijin Deuterocanon

⁶ “An long west, spialaen ya hemi stat long datfala smolfala riva long saot, an hemi falom saet blong Mediterenian Si go long not.

Nambas 34:6 Iomraidhean Croise

Esikiel 47:10

Stat long olketa springwata long En-Gedi go kasem olketa springwata long En-Eglaem, bae olketa man fo fising i pulum fis goap long sanbis, an putum olketa net fo drae long sanbis. Long ples ya, hemi garem enikaen fis long hem, olsem insaet long Mediterenian Si.

Esikiel 47:15

“Baondri blong disfala lan hemi olsem: Long not saet, baondri ya bae hemi stat long Mediterenian Si go-go kasem taon long Hetlon, an hemi go kasem ples wea rod hemi gotru long olketa maonten long Hamat, an go-go kasem taon long Sedad.

Esikiel 47:20

“An long west saet, Mediterenian Si nao hemi baondri go kasem wanfala ples west long ples wea rod hemi gotru long olketa maonten long Hamat. Hem nao baondri long lan long west saet.

Nambas 34:5

From dea, spialaen ya hemi go falom smolfala wata long spialaen long lan blong olketa pipol blong Ijip, an hemi go moa kasem Mediterenian Si.

Nambas 34:7

“An long not, spialaen ya hemi stat long Mediterenian Si, an hemi go kasem maonten long Hoa,

Diutronomi 34:2

An hemi lukim tu eria blong Naftali, an eria blong Efrem, an eria blong Manase. An hemi lukim tu evriwea long distrik blong Jiuda long saet long west go kasem Mediterenian Si,

Josua 1:4

Lan wea bae mi givim long yufala, hemi stat long drae eria ya long saot, go-go kasem olketa hil ya long Lebanon long not. An stat long bikfala Yufretis Riva long ist, an gotru long distrik blong olketa laen blong Het, go-go kasem Mediterenian Si long west.

Josua 15:11

Spialaen ya hemi go moa kasem not saet long hil long Ekron, an hemi tane go long taon long Sikeron, an hemi pasim hil long Baala, an hemi go-go kasem taon long Jamnia, an hemi en long Mediterenian Si.

Josua 15:12

An saet si long Mediterenian Si nao hemi spialaen blong eria ya long west. Hem nao spialaen long lan blong traeb blong Jiuda.

Josua 15:47

An samfala taon moa hemi Asdod wetem evri taon an evri vilij raon long hem, an taon long Gasa wetem evri taon an evri vilij raon long hem, go-go kasem smolfala wata wea hemi makem spialaen long lan blong olketa pipol long Ijip long saot, an hemi go-go kasem Mediterenian Si long west.

Josua 23:4

An mi bin givim finis disfala lan stat kam long Jodan Riva long ist go-go hemi en long Mediterenian Si long west. Ya, mi bin givim finis olketa lan blong olketa narafala pipol wea yumi bin winim long faet an wetem olketa lan long narafala pipol wea yumi no winim yet.

Josua 9:1

Josua wetem olketa blong Israel i bin winim faet long Jeriko an Ai, an nius abaotem diswan hemi kasem olketa paramaon sif long evri ples long west saet long Jodan Riva. Olketa paramaon sif ya i from laen blong Het, an laen blong Amoa, an laen blong Kenan, an laen blong Peres, an laen blong Hivi, an laen blong Jebus. Olketa ya i stap kam long olketa ples long olketa hil, an long olketa smolfala hil long west, an long olketa flat ples kolsap long Mediterenian Si, go-go kasem kantri long Lebanon long not. Olketa evriwan i herem nius abaotem hao Josua wetem olketa pipol blong Israel i winim olketa enemi blong olketa long faet.