Nambas 34:12 - Pijin Bible

¹² An bae hemi falom saet blong Jodan Riva long ist, fo go long saot, go kasem moa Ded Si, an bae hemi falom Ded Si ya long ist, go kasem ples wea hemi stat kam long hem. “Hem nao spialaen blong lan blong yufala.”

Pijin Deuterocanon

¹² An bae hemi falom saet blong Jodan Riva long ist, fo go long saot, go kasem moa Ded Si, an bae hemi falom Ded Si ya long ist, go kasem ples wea hemi stat kam long hem. “Hem nao spialaen blong lan blong yufala.”

Nambas 34:12 Iomraidhean Croise

Jenesis 13:10

Nao Lot hemi luklukraon, an hemi lukim bikfala vali ya long Jodan Riva, an hemi garem plande gudfala wata, olowe go-go kasem taon ya wea olketa kolem Soa long saot. Hemi lukim dat ples ya hemi olsem gudfala ples ya wea Yawe hemi bin wakem fastaem long Iden, an hemi olsem gudfala graon ya long Ijip tu. Long taem ya, Yawe hemi no bin spoelem yet tufala taon ya long Sodom an Gomora.

Jenesis 14:3

Nao olketa faefala king ya i tekem olketa soldia blong olketa, an kam tugeta long Sidim vali. Distaem, Ded Si nao hemi draonem ples ya finis.

Eksodas 23:31

An bae mi mekem spialaen long lan blong yufala fo stat long Red Si long saot go-go kasem Yufretis Riva long not, an stat long Mediterenian Si long west go-go kasem bikfala drae eria long ist. Bae mi mekem yufala strong an garem paoa fo tekova long olketa pipol blong lan ya, an bae yufala ronemaot olketa nomoa, taem yufala gohed fo muv go insaet long lan ya.

Esikiel 47:13

Lod Yawe nao hemi tok olsem, “Hem ya nao olketa baondri blong lan wea bae yufala mas divaedem long tuelfala laen blong Israel. Tufala laen blong Josef, bae i garem tufala pisgraon.

Nambas 34:11

an hemi go moa long Ribla, narasaet long Aen long ist, an bae hemi go long olketa maonten long saet blong Leik Galili long ist.

Nambas 34:13

So Mosis hemi tok olsem long pipol blong Israel, “Yawe hemi makem finis disfala lan long Kenan olsem hemi blong yufala long naenfala traeb blong Israel, an blong yufala long haf blong traeb blong Manase. Bae yufala mas yusim tufala spesol ston fo save watkaen traeb nao bae hemi tekem watkaen lan.

Nambas 34:3

Long saot lan ya hemi stat long bikfala drae eria long Sini an hemi go kasem spialaen blong lan blong Idom. Disfala spialaen long saot, hemi stat long en blong Ded Si long saot,

Josua 13:1

Josua hemi kamap olo fogud nao, an Yawe hemi tok olsem long hem, “Josua, distaem yu olo tumas nao, bat plande bikfala lan hemi stap yet wea yufala no tekova long hem yet.

Josua 15:5

Long ist saet, spialaen blong distrik ya hemi stat long en blong Ded Si, an hemi falom go saet si ya go-go kasem en blong Jodan Riva wea hemi kasem Ded Si long not. An spialaen long not hemi stat long maos blong riva ya,