Nambas 33:47 - Pijin Bible

⁴⁷ Afta olketa lusim Almon-Diblataem, olketa stap kam long olketa maonten long Abarim, long saet blong maonten long Nebo.

Pijin Deuterocanon

⁴⁷ Afta olketa lusim Almon-Diblataem, olketa stap kam long olketa maonten long Abarim, long saet blong maonten long Nebo.

Nambas 33:47 Iomraidhean Croise

Nambas 21:20

Olketa lusim Bamot an olketa go long bikfala vali long eria blong Moab. Datfala vali hemi kolsap long disfala maonten long Pisga wea pipol save luk godaon long drae eria.

Nambas 27:12

Yawe hemi tok olsem long Mosis, “Yu go antap long bikfala maonten long Abarim, an yu lukluk go long evri ples long lan wea bae mi givim go long yufala.

Nambas 33:46

Afta olketa lusim Dibon-Gad, olketa stap kam long Almon-Diblataem.

Diutronomi 32:49

“Yu mas go long eria blong olketa maonten long Abarim, long eria blong Moab, long narasaet long Jodan Riva long taon long Jeriko. Yu mas klaem long maonten long Nebo, an bae yu lukim lan long Kenan wea bae mi givim long pipol blong Israel.

Diutronomi 34:1

Nao Mosis hemi lusim bikfala flat eria long Moab. Hemi klaem go long maonten long Pisga an hemi go antap long maonten long Nebo wea hemi long narasaet long Jodan Riva from Jeriko. An taem hemi stap long dea, Yawe hemi som olketa ples long lan blong Kenan long hem. Hemi som evri ples long disfala lan from eria long Gilead long ist saet long Jodan, go kasem eria blong Dan long not.