Nambas 32:33 - Pijin Bible

³³ So, disfala lan wetem olketa taon blong hem long eria wea Paramaon Sif Sihon blong Amoa an Paramaon Sif Og blong Basan i rul ovarem, Mosis nao hemi givim long traeb blong Gad, an traeb blong Ruben, an haf long traeb blong Manase.

Pijin Deuterocanon

³³ So, disfala lan wetem olketa taon blong hem long eria wea Paramaon Sif Sihon blong Amoa an Paramaon Sif Og blong Basan i rul ovarem, Mosis nao hemi givim long traeb blong Gad, an traeb blong Ruben, an haf long traeb blong Manase.

Nambas 32:33 Iomraidhean Croise

1 Kronikols 12:31

Long haf long traeb blong Manase long west long Jodan Riva, hemi garem 18,000 soldia wea olketa bin siusim fo mekem Deved hemi kamap king.

1 Kronikols 26:32

So king hemi siusim 2,700 wantok blong Jeria, an hemi mekem olketa bos long olketa waka blong God, an long olketa waka blong king tu, long kantri blong Israel long saet long ist long Jodan Riva. Hem nao long distrik blong Ruben, an long distrik blong Gad, an long distrik blong Manase long ist.

1 Kronikols 5:18

Nao traeb blong Ruben, an traeb blong Gad, an haf long traeb blong Manase wea hemi stap long ist long Jodan Riva, i garem 44,760 soldia wea i save hao fo faet, an i fit fo yusim naef fo faet, an bou, an sil fo stopem aro.

Nambas 32:1

Oraet, traeb blong Ruben, an traeb blong Gad olketa garem plande animol. An olketa lukim dat olketa ples long Gilead, an raonem taon long Jasea i gudfala ples fo fidim animol.

Nambas 32:32

Bae mifala save holem evrisamting fo faet an go fastaem long Tambu Boks blong Yawe, an go insaet long Kenan, mekem mifala tekem lan long disfala saet long Jodan Riva.”

Nambas 34:14

Olketa traeb blong Ruben wetem traeb blong Gad, an narafala haf long traeb blong Manase olketa garem lan finis.

Nambas 34:15

Lan blong olketa ya, olketa tekem finis long ist saet long Jodan Riva, long narasaet long riva from Jeriko.”

Diutronomi 29:8

An yufala tekova long lan blong tufala. An yumi divaedem olketa fo givim go long traeb blong Ruben, an long traeb blong Gad, an long haf blong traeb blong Manase.

Josua 12:1

Bifoa kam, Mosis nao hemi bin lidim olketa Israel pipol fo faet an winim tufala paramaon sif long ist saet long Jodan Riva long faet an tekova long lan blong olketa. Spialaen long lan blong tufala paramaon sif ya, hemi stat long vali long Anon an goap long Jodan Riva an go olowe go-go kasem maonten long Hemon long not.

Josua 12:6

Mosis hu hemi wakaman blong Yawe wetem olketa man blong hem nao i winim tufala paramaon sif ya long faet. Bihaen, hemi givim olketa lan ya go long traeb blong Ruben, an long traeb blong Gad, an long haf long traeb blong Manase, an olketa gohed fo onam olketa lan ya nao.

Josua 14:3

Olketa lan long narasaet long Jodan Riva long ist, Mosis hemi bin divaedem finis fo tufala narafala traeb blong olketa wetem narafala haf long traeb blong Manase. Bifoa kam, Josef hemi garem tufala san wea nem blong tufala nao Manase an Efrem. An traeb blong Josef hemi divaed long tufala traeb, falom tufala san blong hem. Bat olketa long traeb blong Livae i no garem eni lan. Olketa garem nomoa olketa taon fo stap long hem. An olketa taon ya i garem eria raonem fo olketa buluka an olketa sipsip an olketa nanigot blong olketa fo stap long hem.

Josua 22:4

Distaem God hemi mekem olketa wantok blong yufala fo stap gudfala long lan blong olketa, olsem wea hemi bin promisim bifoa. An hemi gud tumas fo yufala gobaek nao long olketa ples blong yufala, long lan wea yufala onam narasaet long Jodan Riva, wea Mosis bin givim finis long yufala bifoa.

1 Samuel 13:7

Samfala i ranawe go akros long Jodan Riva fo go long distrik blong Gad, an long eria long Gilead. Oraet, King Sol hemi stap yet long Gilgal, an olketa soldia wea i stap wetem hem i fraet an seksek fogud.