Nambas 32:3 - Pijin Bible

^3-4 “Disfala lan wea Yawe hemi winim fo yumi blong Israel hemi fitim olketa animol. Ating olketa lan long Atarot, an Dibon, an Jasea, an Nimra, an Hesbon, an Eleale, an Sebam, an Nebo, an Beon, hemi gud tumas fo olketa animol, an yu save, mifala garem plande animol tumas.

Pijin Deuterocanon

^3-4 “Disfala lan wea Yawe hemi winim fo yumi blong Israel hemi fitim olketa animol. Ating olketa lan long Atarot, an Dibon, an Jasea, an Nimra, an Hesbon, an Eleale, an Sebam, an Nebo, an Beon, hemi gud tumas fo olketa animol, an yu save, mifala garem plande animol tumas.

Nambas 32:3 Iomraidhean Croise

Nehemaea 9:22

“Yu letem olketa fo winim olketa narafala pipol an tekova long olketa narafala kantri, mekem hemi kamap haf long lan blong olketa. Olketa bin tekova long lan blong King Sihon blong Hesbon, an King Og blong Basan.

Aesaea 15:6

Riva ya Nimrim hemi draeap nao, an olketa gras long saet long hem hemi barava drae tu. Evriwea long kantri ya, no enisamting save grou long hem, bikos evrisamting ya hemi barava drae nao.

Jeremaea 48:1

Yawe hu hemi garem evri paoa an hu hemi God blong Israel, hemi tok olsem abaotem olketa pipol blong Moab, “!Sore tumas long taon long Nebo! Bae hemi kamap nogud fogud. Taon long Kiriataem tu bae enemi hemi winim hem, an brekemdaon strongfala sefples blong hem fo haed, mekem olketa pipol blong hem i sem tumas.

Jeremaea 48:2

Bae no eniwan hemi mekhae moa long kantri long Moab. Long biktaon long Hesbon bae olketa mekem ravis plan fo spoelem hem. Bae olketa tok olsem, ‘Olketa. !Yumi mas barava finisim datfala kantri nao!’ An yufala pipol blong Madmen bae yufala i stap kuaet nomoa olsem man dae, bikos disfala naef fo faet bae hemi aftarem yufala.

Jeremaea 48:32

Bae mi sore an krae moa fo olketa blong taon long Sibma, winim mi bin krae fo olketa blong taon long Jasa long Amon. Sibma, hemi wanfala gudfala taon wea hemi olsem bikfala grep tri wea olketa branis blong hem i grou longfala tumas, wea samfala go akros long Ded Si, an samfala go-go kasem Jasa. Bat olketa enemi i kam spoelem olketa gaden an olketa grep tri blong yufala, mekem yufala no save tekemaot eni kaikai long hem.

Jeremaea 48:34

“Noes long bikfala krae blong olketa, pipol long Hesbon, an long Eleale, an long Jahas i save herem. An olketa pipol long Soa, an long Horonaem, an long Eglat-Selisia, olketa tu save herem. An smolfala riva long Nimrim tu, bae hemi kamap barava drae.

Jeremaea 48:45

“Olketa hu i trae fo ranawe go fo haed long taon long Hesbon, bae i wikdaon tumas, bikos long datfala taon, haos blong King Sihon hemi bone long faea wetem olketa narafala haos long hem. An bae faea ya hemi kamaot fo bonem evriples long disfala kantri wea hemi blong olketa pipol hu i bin gohed fo bikmaos no.

Esikiel 25:9

Bikos olketa tok olsem, bae mi letem olketa enemi fo kam faetem evri nambawan taon blong olketa. Bae mi letem olketa enemi fo barava spoelem olketa taon long Bet-Jesimot, an Baal-Meon, an Kiriataem wea i stap olsem baondri fo blokem disfala kantri.

Nambas 21:28

“Bifoa, olketa soldia kamaot from Hesbon olsem faea. Ya, hemi bonem Ara long Moab. An hemi spoelem tu olketa bikman blong tambuples long Bamot-Anon.

Nambas 21:30

“Bat wea, from Hesbon long not go long Dibon long saot, yumi bin kilim olketa blong Amoa. Ya, from Nofa go long Medeba, faea ya hemi bonem evri taon finis.”

Nambas 21:32

Mosis hemi sendem samfala man fo luksave long taon long Jasea. Bihaen, ami blong Israel i go ronemaot olketa laen blong Amoa long Jasea, an olketa tekova long taon ya wetem olketa vilij wea i stap raonem.

Nambas 32:1

Oraet, traeb blong Ruben, an traeb blong Gad olketa garem plande animol. An olketa lukim dat olketa ples long Gilead, an raonem taon long Jasea i gudfala ples fo fidim animol.

Nambas 32:2

So olketa go lukim Mosis wetem Haeprist Eleasa an olketa narafala lida blong pipol, an olketa tok olsem,

Josua 13:17

Plande taon nao hemi stap long flat ples ya. Olketa taon ya nao Hesbon, an Dibon, an Bamot-Baal, an Betbalmeon,

Josua 13:19

an Kiriataem, an Sibma, an Seretsaha wea hemi stap long saet hil kolsap long Ded Si,

Josua 21:39

an Hesbon, an Jasea.

Jajis 11:26

Mifala onam finis tufala ples long Hesbon an Aroa, wetem olketa vilij wea i stap raonem tufala, an wetem evri taon wea i stap long saet blong Anon Riva fo 300 yia nao. ?Hemi barava longtaem tumas ya, so waswe nao yufala no kam fo tekem from mifala bifoa?