Nambas 32:24 - Pijin Bible

²⁴ Yufala save go wakem olketa wolston long olketa taon blong yufala an olketa ples blong olketa animol blong yufala, bat bae yufala mas mekem evrisamting wea yufala promis fo duim.”

Pijin Deuterocanon

²⁴ Yufala save go wakem olketa wolston long olketa taon blong yufala an olketa ples blong olketa animol blong yufala, bat bae yufala mas mekem evrisamting wea yufala promis fo duim.”

Nambas 32:24 Iomraidhean Croise

Jenesis 49:14

Isaka, yu olsem wanfala dongki fo waka, wea hemi hapi nomoa fo hemi stretem lek blong hem, an hemi slip long midol long tufala basket wea hemi karim.

Nambas 30:2

sapos eniwan long yumi hemi mekem promis go long hem fo givim enisamting long hem, o fo duim enisamting, hemi mas no brekem promis blong hem. Hemi mas duim wanem hemi promis fo duim.

Nambas 32:16

Den olketa kam tok olsem long Mosis, “Fastaem plis yu letem mifala wakem olketa fens fo satem olketa animol blong mifala, an wakem olketa bikfala wolston raonem olketa taon tu mekem olketa woman an olketa pikinini blong mifala i stap sef. An bihaen, bae mifala holem olketa samting fo faet an kam wetem yufala, an go fastaem long yufala long faet. Bae mifala save go wetem yufala go kasem taem wea mifala mekem yufala evriwan stap gud long lan ya.

Nambas 32:25

Den olketa long traeb blong Gad an traeb blong Ruben i tok olsem long hem, “Masta, bae mifala duim olsem wea yu talem.