Nambas 32:1 - Pijin Bible

¹ Oraet, traeb blong Ruben, an traeb blong Gad olketa garem plande animol. An olketa lukim dat olketa ples long Gilead, an raonem taon long Jasea i gudfala ples fo fidim animol.

Pijin Deuterocanon

¹ Oraet, traeb blong Ruben, an traeb blong Gad olketa garem plande animol. An olketa lukim dat olketa ples long Gilead, an raonem taon long Jasea i gudfala ples fo fidim animol.

Nambas 32:1 Iomraidhean Croise

Jenesis 13:2

Ebram ya, hemi wanfala risman, wea hemi garem olketa sipsip, an olketa nanigot, an olketa buluka blong hem, wetem olketa silva an gol tu.

Jenesis 13:5

Taem Lot hemi bin go-go wetem Ebram, hem tu hemi garem plande sipsip, an olketa nanigot, an olketa buluka, wetem famili blong hem, an plande wakaman blong hem.

Jenesis 29:32

No longtaem nomoa, Lea hemi babule nao, an hemi bonem wanfala pikinini boe, nao hemi tok olsem, “Yawe hemi lukim finis olketa trabol blong mi ya. Distaem nao bae hasban blong mi hemi lavem mi,” an hemi kolem pikinini ya, Ruben.

Jenesis 47:4

Mifala kam long hia, bikos long Kenan, hadtaem long hanggre ya hemi barava strong fogud, an olketa animol blong mifala ya i no garem kaikai nao. Plis yu letem mifala fo mekem ples blong mifala long kantri blong yu ya, long disfala lan ya long Gosen.”

2 Samuel 24:5

Olketa katkros long Jodan Riva, an olketa go stap kolsap long taon long Aroa wea hemi long bikfala vali long distrik blong Gad. Den olketa go not long taon long Jasa.

2 Samuel 24:6

Den olketa go long Gilead, an bihaen olketa go long Kades, long kantri blong Het. Den olketa go long tufala taon long Dan an Ijon, nao olketa tane go long west long taon long Saedon.

1 Kronikols 4:41

Bat long taem wea Hesekaea hemi king long Jiuda, olketa bikman ya i go long eria kolsap long Gedoa, an spoelem evri hom blong olketa long laen blong Ham an Meun wea i stap long datfala ples. Olketa kilim dae olketa pipol ya, an olketa go mekem hom blong olketa long dea, bikos hemi garem staka kaikai fo olketa sipsip blong olketa.

Eksodas 12:38

Plande long olketa narafala pipol tu i go wetem olketa, an plande long olketa sipsip an nanigot an buluka tu i go wetem olketa.

Jeremaea 22:6

“Hem nao Yawe hemi talem abaotem disfala haos blong king blong Jiuda. Hemi tok olsem: Disfala haos hemi luknaes tumas olsem ples long Gilead, an olketa maonten long Lebanon wea i garem plande tri long hem. Bat nomata olsem, bae mi mekem hem fo kamap olsem drae eria, wea hemi no eniwan save stap long hem.

Jeremaea 48:32

Bae mi sore an krae moa fo olketa blong taon long Sibma, winim mi bin krae fo olketa blong taon long Jasa long Amon. Sibma, hemi wanfala gudfala taon wea hemi olsem bikfala grep tri wea olketa branis blong hem i grou longfala tumas, wea samfala go akros long Ded Si, an samfala go-go kasem Jasa. Bat olketa enemi i kam spoelem olketa gaden an olketa grep tri blong yufala, mekem yufala no save tekemaot eni kaikai long hem.

Jeremaea 50:19

Bat bae mi tekem kambaek olketa pipol blong mi long stret ples blong olketa nao. Bae olketa i olsem olketa sipsip wea i stap long ples wea hemi garem gudfala gras long hem. Olketa gohed fo kaikaim olketa gras wea hemi grou long maonten long Kaamel, an long olketa hil long Basan. An long olketa hil long tufala distrik long Efrem an Gilead, bae olketa save kaikaim go-go olketa fulap fogud.

Jeremaea 8:22

Plande meresin blong Gilead hemi stap, an olketa dokta tu i stap long ples ya. ?Bat waswe nao olketa sik blong olketa pipol blong mi i no finis?

Maeka 7:14

(Profet) Yawe. Mifala i pipol blong yu wea yu siusim. Plis yu lukaftarem mifala gudfala olsem wea mifala olketa sipsip blong yu. Nomata mifala olketa sipsip blong yu i stap long bus, bat olketa graon wea hemi garem gudfala gras hemi stap raonem mifala. Plis yu letem mifala evri sipsip fo kaikai long gudfala gras ya long Basan an long Gilead, olsem wea olketa sipsip blong yu bin kaikai long hem bifoa.

Nambas 21:32

Mosis hemi sendem samfala man fo luksave long taon long Jasea. Bihaen, ami blong Israel i go ronemaot olketa laen blong Amoa long Jasea, an olketa tekova long taon ya wetem olketa vilij wea i stap raonem.

Nambas 32:2

So olketa go lukim Mosis wetem Haeprist Eleasa an olketa narafala lida blong pipol, an olketa tok olsem,

Nambas 32:26

Olketa waef, an olketa pikinini, an olketa animol blong mifala, bae olketa stap nomoa long olketa taon long Gilead.

Nambas 32:3

“Disfala lan wea Yawe hemi winim fo yumi blong Israel hemi fitim olketa animol. Ating olketa lan long Atarot, an Dibon, an Jasea, an Nimra, an Hesbon, an Eleale, an Sebam, an Nebo, an Beon, hemi gud tumas fo olketa animol, an yu save, mifala garem plande animol tumas.

Nambas 32:35

an Atrot-Sofan, an Jasea, an Jogbeha,

Diutronomi 33:21

Yufala siusimaot olketa gudfala lan wea yufala laekem nomoa. Yufala tekova long lan wea hemi fitim bikman. An taem olketa lida blong pipol blong Israel i kam tugeta, yufala obeim olketa gudfala lo blong Yawe, an yufala falom olketa strongfala toktok blong hem.

Josua 13:25

Disfala eria hemi go kasem taon long Jasea an hemi go moa kasem evri taon insaet long eria olketa kolem Gilead. Haf long lan blong Amon wea hemi go olowe go-go kasem taon ya long Aroa wea i stap ist long Raba, hemi stap insaet long lan ya.

Josua 22:13

Bat olketa sendem prist ya Finehas fo go long Gilead mekem hemi lukim fastaem olketa wantok blong olketa ya. Dadi blong Finehas nao Eliesa, an hem nao hemi Haeprist long datfala taem.

Josua 22:9

Olketa soldia long traeb blong Ruben, an olketa long traeb blong Gad, an olketa long traeb blong Manase i gobaek nao long olketa ples blong olketa. Olketa lusim olketa wantok blong olketa fo stap bihaen long Saelo long lan long Kenan, an olketa gobaek long bikfala ples ya long Gilead wea hemi barava ples wea olketa onam, olsem wea Yawe bin talem long Mosis bifoa.

1 Jon 2:16

Wei blong pipol long disfala wol i nating kam from Dadi ya. Nomoa. Evri ravis samting wea bodi hemi save laekem tumas, an wanem pipol laekem bikos hemi luknaes tumas, an wanem pipol i praod tumas long hem, evrisamting olsem hemi kamaot long wei blong disfala wol nomoa.

Jajis 5:16

?Bat waswe nao olketa sidaon nomoa wetem olketa sipsip an lisin nomoa long olketa man hu i bloum bambu? Long traeb blong Ruben samfala i garem tufala tingting, dastawe olketa no save kam.