Nambas 31:8 - Pijin Bible

⁸ An long datfala taem olketa kilim dae faefala sif blong pipol blong Midian, wea nem blong olketa nao, Sif Evi, an Sif Rekem, an Sif Sua, an Sif Hua, an Sif Reba. An olketa kilim dae tu Balam, san blong Beo.

Pijin Deuterocanon

⁸ An long datfala taem olketa kilim dae faefala sif blong pipol blong Midian, wea nem blong olketa nao, Sif Evi, an Sif Rekem, an Sif Sua, an Sif Hua, an Sif Reba. An olketa kilim dae tu Balam, san blong Beo.

Nambas 31:8 Iomraidhean Croise

Sams 10:2

Olketa nogud pipol i praod tumas, an i gohed fo mekem olketa pua pipol safa. Plis yu letem olketa foldaon insaet long olketa trap wea olketa seleva i bin mekem.

Sams 9:16

Yawe hemi mekem olketa pipol fo save dat hemi jajem olketa pipol long stretfala wei. Bat olketa nogud pipol, olketa ravis wei blong olketa nao i spoelem olketa seleva.

Provebs 11:3

Stretfala wei blong gud man hemi lidim hem, ravis wei spoelem man fo laea.

Provebs 13:17

Man hu hemi talem ravis tok, hemi save mekem trabol. Man pipol trastem fo toktru, hemi save mekem piis.

Habakuk 3:7

Mi lukim dat olketa blong Kusan i fraet, an olketa blong Midian i seksek fogud.

Nambas 22:10

An Balam hemi tok olsem, “Olketa kam from Moab. Paramaon Sif Balak nao hemi sendem olketa kam fo sei long mi,

Nambas 22:4

Den olketa pipol blong Moab i go tok olsem long olketa lida long olketa laen blong Midian, “Olketa pipol ya i plande tumas, an bae no longtaem olketa spoelem evrisamting long ples blong yumi, olsem wea buluka hemi save kaikaim evri gras long wanfala ples.” So bikos Balak, san blong Sipoa, hemi paramaon sif blong Moab,

Nambas 22:5

hemi sendem go wanfala toktok long profet Balam, san blong Beo, hu hemi stap wetem olketa wantok blong hem long taon long Petoa kolsap long Yufretis Riva. Toktok ya hemi olsem, “Yu save, wanfala bikfala traeb i kamaot finis from Ijip. Olketa stap kam kolsap long mi, an olketa kavaremap finis evri ples.

Nambas 23:10

No eniwan save kaontem olketa long laen blong Jekob. Namba blong olketa pipol blong Israel hemi olsem dast wea yu no save kaontem. Taem mi kasem en long laef blong mi, hemi gud sapos laef blong mi hemi olsem laef blong olketa hu i stret long ae blong God. Ya, letem laef blong mi hemi gud olsem laef blong olketa.”

Nambas 24:14

Balam hemi gohed fo tok olsem long sif, “Distaem, bae mi gobaek long olketa wantok blong mi. Bat fastaem, mi talem long yu evrisamting wea pipol blong Israel bae i duim long olketa pipol blong yu.”

Nambas 24:25

Den Balam hemi stanap an gobaek long ples blong hem. An sif Balak tu hemi go.

Nambas 25:15

An woman ya, nem blong hem Kosbi hu hemi dota blong Sua, wanfala bikman long laen blong Midian.

Nambas 25:18

bikos olketa trikim yufala mekem yufala wosipim Baal-Peo, an olketa trikim yufala tu long datfala woman Kosbi wea prist hemi kilim dae long taem wea ravis sik hemi kasem yufala long Peo.”

Nambas 31:16

!Olketa nao i falom toktok blong datfala man Balam! !Olketa nao i trikim olketa man blong yumi fo lusim Yawe an falom disfala god Baal-Peo! !Samting ya nao hemi bin mekem datfala ravis sik hemi kam long yumi pipol blong Yawe!

Nambas 31:9

Olketa kasholem evri woman blong Midian, wetem pikinini blong olketa. An olketa tekem tu olketa buluka, an olketa sipsip, an evri gudfala samting blong olketa.

2 Pita 2:15

Olketa laea tisa ya lusim finis disfala stretfala wei an olketa go krangge falom wei blong Profet Balam hu hemi san blong Beo. Balam hemi laekem tumas fo tekem seleni fo duim wanem hemi no stret.

Jiud 1:11

!Sore tumas long olketa! Olketa nao falom ravis wei blong Kein bifoa. An olketa olsem Profet Balam, wea olketa gohed fo talem olketa laea bikos olketa laek fo tekem seleni tumas. An olketa go agensim God olsem Kora hemi duim long bifoa. So bae olketa kamap nogud tumas tu olsem Kora ya.

Revelesin 19:20

Bat disfala man ya hemi kasholem disfala wael animol wetem laea profet ya. Hem nao disfala laea profet wea bifoa hemi mekem olketa mirakol long frant long wael animol ya. An long wei olsem nao hemi bin trikim olketa pipol wea olketa garem disfala mak blong wael animol ya, an olketa save wosipim disfala kaving blong hem. Nao wael animol ya an laea profet ya, nomata tufala laef yet, hemi torowem tufala insaet long bikfala hol blong barava hot faea wea hemi laet long diskaen ston salfa.

Revelesin 2:14

‘Bat samfala samting nomoa mi no laekem long yufala. Samfala pipol long yufala, olketa gohed fo falom nomoa tising blong profet Balam, wea bifoa hemi tisim King Balak abaotem wei fo trikim pipol blong Israel fo foldaon long sin. Hemi mekem olketa kaikaim mit wea olketa bin sakrifaesim finis long laea god, an hemi mekem olketa fo durong wetem olketa woman.