Nambas 31:21 - Pijin Bible

²¹ An Haeprist Eleasa hemi tok olsem long olketa, “Yawe hemi givim olketa rul finis long Mosis fo mekem olketa samting fo kamap klin long ae blong hem, an olketa rul ya nao hemi olsem:

Pijin Deuterocanon

²¹ An Haeprist Eleasa hemi tok olsem long olketa, “Yawe hemi givim olketa rul finis long Mosis fo mekem olketa samting fo kamap klin long ae blong hem, an olketa rul ya nao hemi olsem:

Nambas 31:21 Iomraidhean Croise

Nambas 30:16

Hem nao olketa rul wea Yawe hemi talem long Mosis abaotem olketa promis. An olketa rul i fitim olketa yang gele hu i no marit yet an stap wetem dadi, an hemi fitim tu eni woman wea hemi marit finis.

Nambas 31:20

An olketa kaleko blong yufala, wetem evrisamting wea olketa wakem long skin blong animol, o long hea blong nanigot, o long timba, evrisamting ya tu bae yufala mas mekem olketa fo kamap klin long ae blong hem.”

Nambas 31:22

Evrisamting wea faea hemi no save spoelem, olsem gol, an silva, an bras, an enikaen aean, yufala mas bonem olketa fastaem long faea an bihaen, yufala mas wasim olketa long disfala spesol wata fo mekem olketa fo kamap klin long ae blong Yawe. Bat olketa narafala samting wea hemi no save go long faea, yufala mas wasim nomoa long spesol wata ya.