Nambas 31:15 - Pijin Bible

¹⁵ So hemi tok olsem long olketa, “!Ei! ?Waswe nao yufala nating kilim dae olketa woman ya?

Pijin Deuterocanon

¹⁵ So hemi tok olsem long olketa, “!Ei! ?Waswe nao yufala nating kilim dae olketa woman ya?

Nambas 31:15 Iomraidhean Croise

Jeremaea 48:10

“!Letem trabol hemi kasem man hu hemi no wakahad fo duim waka blong Yawe! !Letem trabol hemi kasem man hu hemi les fo yusim naef blong hem fo faet!”

Esikiel 9:6

Yufala mas kilim dae evri ol man, an evri yang man, an evri yang woman, an evri mami wetem evri pikinini blong olketa. Bat olketa hu i garem mak long fohed blong olketa, yufala mas no kilim olketa dae. Bae yufala stat kil kam long disfala Tambuhaos blong mi.” So, olketa stat long ples ya an kilim dae evri lida hu i stanap frant long Tambuhaos.

Nambas 31:14

Bat taem Mosis hemi lukim olketa, hemi kros tumas long olketa komanda blong ami wea i kambaek from faet ya.

Diutronomi 2:34

An yumi bin winim olketa taon blong olketa an spoelem finis olketa taon ya. An yumi kilim dae olketa man, an olketa woman an olketa pikinini long olketa. Long taem ya, no enisamting i stap laef long olketa taon ya.

Diutronomi 20:13

Den taem Yawe, God blong yufala, hemi letem yufala winim taon ya, bae yufala mas kilim dae olketa man long hem.

Diutronomi 20:14

Bat bae yufala save tekem olketa woman, an olketa pikinini blong olketa, an olketa animol an olketa narafala samting wea i stap long taon ya. Bae yufala save kipim evrisamting wea hemi blong olketa enemi blong yufala, bikos Yawe hemi givim olketa samting ya finis long yufala.

Josua 10:40

So Josua wetem ami blong hem i winim evri pipol long olketa ples wea hemi stap long olketa hil, wetem olketa wea i stap long olketa gudfala ples long ist saet go-go kasem Jodan Riva, an olketa wea i stap long drae eria long saot, an olketa wea i stap long olketa smolfala hil long west saet. Olketa kilim dae olketa paramaon sif blong olketa eria ya an evri pipol blong olketa, bikos Yawe hu hemi God blong olketa Israel pipol nao hemi laekem olketa fo duim diswan.

Josua 11:14

Olketa pipol blong Israel i kilim dae evriwan long olketa, an tekemaot evri gudfala samting blong olketa wetem olketa animol blong olketa, an kipim fo olketa seleva.

Josua 6:21

Olketa kilim dae evriwan insaet long taon ya long olketa naef fo faet. Olketa kilim dae evri man an woman, evri yanga an olo, wetem evri buluka an sipsip, an dongki.

Josua 8:25

Josua hemi gohed fo holem spia blong hem antap fo poen go long taon ya go-go kasem taem wea olketa man blong Ai i dae evriwan. Namba long evri man an woman hu i dae long datfala de, hemi kasem 12,000.

1 Samuel 15:3

Yufala mas go faetem olketa, an yufala mas spoelem finis evrisamting blong olketa an no letem enisamting fo stap. Olketa man wetem olketa woman, an olketa pikinini, an olketa bebi blong olketa, yufala mas kilim dae olketa evriwan. An yufala mas kilim dae tu olketa buluka blong olketa, an olketa sipsip, an olketa kamel, an olketa dongki blong olketa. Evrisamting ya i olsem sakrifaes wea yufala mas givim go long mi Yawe.’”