Nambas 30:8 - Pijin Bible

⁸ Bat sapos hasban blong hem hemi here abaotem disfala promis, an hemi stopem waef blong hem fo no duim, disfala woman hemi no save kipim disfala promis. An Yawe bae hemi fogivim hem.

Pijin Deuterocanon

⁸ Bat sapos hasban blong hem hemi here abaotem disfala promis, an hemi stopem waef blong hem fo no duim, disfala woman hemi no save kipim disfala promis. An Yawe bae hemi fogivim hem.

Nambas 30:8 Iomraidhean Croise

Jenesis 3:16

Nao Yawe hemi tok olsem long woman ya, “Bae mi mekem hadtaem fo yu taem yu babule, an bae yu filnogud tumas long bodi blong yu. An bae yu filpein tumas long taem yu bonem pikinini. Bat bae yu gohed fo laekem hasban blong yu seleva, an bae hemi bos long yu.”

Jeremaea 44:19

Olketa woman tu i tok olsem, “Taem mifala gohed fo miksim flaoa an bekem spesol bred wea i garem piksa blong Kuin blong Heven ya long olketa fo givim olsem ofaring long hem, an mifala gohed fo bonem insens fo mekem wosip long hem, an mifala gohed fo kapsaetem waen fo givim presen long hem, olketa hasban blong mifala ya i save finis long wanem mifala gohed fo duim, an olketa tingse hemi stret nao.”

Levitikas 5:4

“Sapos wanfala man hemi mekem wanfala strongfala promis long nem blong mi, bat hemi nating tingting gudfala fastaem long wei wea hemi mekem, nomata hemi gudfala o hemi nogud, oraet, taem hemi luksave long samting wea hemi duim, hemi fitim fo hemi panis fo hem.

Nambas 30:5

Bat sapos dadi blong hem hemi herem, an hemi stopem hem fo no duim olketa samting wea hemi promis fo duim, disfala gele bae hemi no save kipim disfala promis. An Yawe bae hemi fogivim hem, bikos dadi blong hem hemi stopem.

Nambas 30:9

“Sapos wanfala wido, o wanfala woman wea hem divos finis, hemi mekem eni promis long Yawe, bae hemi mas duim evrisamting wea hemi promis fo duim.

1 Korin 14:34

hemi gud fo olketa woman fo stap kuaet nomoa taem yufala prea. Olsem Lo blong Mosis hemi talem dat olketa woman mas no toktok an no kamap bos.

1 Korin 7:4

Bikos woman hu hemi marit hemi no bos long bodi blong hem seleva, bat hasban nao hemi bos long hem. An man tu hemi no bos long bodi blong hem seleva, bat waef nao hemi bos long hem.

1 Samuel 1:23

An Elkana hemi tok olsem, “Hem oraet nomoa. Yu duim olsem wea yu tingim hemi gud. Yu save stap go-go kasem taem wea hemi lusim susu. Letem Yawe hemi mekem promis blong yu hemi kamap tru.” Nao Hana hemi stap nomoa long Rama go kasem taem wea pikinini hemi lusim susu.