Nambas 3:37 - Pijin Bible

³⁷ An olketa lukaftarem tu olketa pos blong fens blong open eria raonem Tambu Haostent, wetem spesol botom blong olketa pos ya, an olketa samting fo holem fens an olketa rop blong hem tu.

Pijin Deuterocanon

³⁷ An olketa lukaftarem tu olketa pos blong fens blong open eria raonem Tambu Haostent, wetem spesol botom blong olketa pos ya, an olketa samting fo holem fens an olketa rop blong hem tu.

Nambas 3:37 Iomraidhean Croise

Eksodas 27:19

Yu mas yusim bras fo wakem evrisamting wea bae yu yusim insaet long Tambu Haostent blong mi. An yu mas yusim bras tu fo wakem olketa samting wea yu hamarem go insaet long graon fo taengem olketa rop blong Tambu Haostent an olketa rop blong fens long hem.”

Nambas 3:36

Waka blong olketa fo lukaftarem olketa pat blong Tambu Haostent. Hem nao olketa longfala pis timba, an olketa frem, an olketa spesol botom fo holem olketa frem ya, an olketa narafala samting blong hem. Waka long olketa samting ya hemi long han blong olketa nao.

Nambas 3:38

Mosis wetem Haeprist Eron an tufala san blong hem i putumap haostent blong olketa long frant long Tambu Haostent blong Yawe, long saet long ist. Olketa nomoa save mekem wosip, an mekem olketa sakrifaes blong pipol blong Israel long tambuples. Bat sapos eni narafala man hemi kam insaet long tambuples, yufala mas kilim hem dae.

Nambas 4:29

Yawe hemi gohed fo tok olsem long Mosis, “Yu mas mekem sensas fo kaontem evriwan long laen blong Merari. Yu mas falom olketa laen an famili blong olketa,