Nambas 3:30 - Pijin Bible

³⁰ Elisafan, hu hemi san blong Usiel, hemi lida blong olketa.

Pijin Deuterocanon

³⁰ Elisafan, hu hemi san blong Usiel, hemi lida blong olketa.

Nambas 3:30 Iomraidhean Croise

Eksodas 6:22

An Usiel, hemi garem trifala san, wea nem blong trifala nao, Misael, an Elsafan, an Sitri.

Levitikas 10:4

Mosis hemi kolem kam Misael an Elsafan, tufala san blong Usiel hu hemi wanfala angkol blong Eron. Hemi tok olsem long tufala, “Yutufala kam karimaot bodi blong tufala wantok blong yumi from ples ya. Yutufala tekem go tufala aot from Tambu Haostent an putum go aotsaet long ples wea yumi stap long hem.”

Nambas 3:27

An olketa famili grup long laen blong Amram, an long laen blong Isaha, an long laen blong Hebron, an long laen blong Usiel i kamaot from laen blong Kohat.

Nambas 3:29

Olketa ya i save putumap haostent blong olketa kolsap long Tambu Haostent long saet long saot.

Nambas 3:31

Waka blong olketa fo lukaftarem Tambu Boks long Spesol Agrimen blong Yawe, wetem Tebol fo Tambu Bred, an Spesol Frem fo putum Lam, an tufala Olta, an olketa samting wea olketa prist i yusim long Tambu Haostent ya, an bikfala kaleko wea hemi satem disfala Barava Tambu Rum. Waka long olketa samting ya hemi long han blong olketa nao.

Nambas 4:15

Taem yufala redi fo muv go long narafala ples, olketa long laen blong Kohat mas kam karim evrisamting ya. Bat fastaem, Eron wetem tufala san blong hem i mas kavaremap evrisamting fo mekem redi, bikos olketa long laen blong Kohat i no save tasim olketa tambu samting ya. Sapos olketa tasim, bae olketa dae.

Nambas 4:4

“Waka blong olketa hemi fo lukaftarem olketa tambu samting long Tambu Haostent.