Nambas 29:7 - Pijin Bible

⁷ Yawe hemi gohed fo tok olsem, “Evri yia, long mekseven mans long mekten de blong hem, hemi wanfala holi de wea yufala mas no kaikai an no duim eni waka, bat yufala mas kam tugeta fo wosipim mi.

Pijin Deuterocanon

⁷ Yawe hemi gohed fo tok olsem, “Evri yia, long mekseven mans long mekten de blong hem, hemi wanfala holi de wea yufala mas no kaikai an no duim eni waka, bat yufala mas kam tugeta fo wosipim mi.

Nambas 29:7 Iomraidhean Croise

Esra 8:21

Taem mifala stap long ples ya, long saet blong Ahava Riva, mi talem long olketa man hu i hipap long ples ya, wea mifala evriwan mas stop fo no kaikai, mekem mifala godaon long tingting blong mifala fo kam kolsap long God. Den mifala save askem hem fo kipim mifala sef long rod, an fo lukaftarem mifala, wetem olketa pikinini blong mifala, an evrisamting blong mifala.

Sams 35:13

Bat taem olketa ya i sik, mi werem olketa ravis kaleko fo somaot dat mi sore long olketa, an mi no kaikai tu. Nao mi baodaon an prea fo olketa.

Aesaea 22:12

Lod Yawe hu hemi garem evri paoa hemi talem yufala fo krae bikfala, an resam hea blong yufala. An yufala mas werem olketa ravis kaleko fo somaot dat yufala sore tumas fo sin blong yufala.

Sekaraea 12:10

Yawe hemi gohed fo tok olsem, ?Bae mi mekem olketa laen blong Deved an olketa pipol blong Jerusalem fo barava garem gudfala tingting, wea olketa save sore long narafala man, an olketa save prea fo mi helpem olketa. Bae olketa lukluk go long mi, disfala man wea olketa spiarem. An bae olketa sore an krae fo hem, olsem man wea hemi garem wanfala pikinini nomoa an hemi dae, o man wea fasbon pikinini blong hem hemi dae.

Matiu 5:4

Olketa hu i sore tumas, olketa save hapi ya, bikos bae God hemi mekem olketa fo no sore moa.

Gudnius abaotem Jisas Kraes wea Luk hemi raetem 13:3

!Nomoa ya! Bat mi talem long yufala, sapos yufala no lusim olketa ravis wei blong yufala, bae yufala evriwan i dae olsem olketa tu ya.

Gudnius abaotem Jisas Kraes wea Luk hemi raetem 13:5

!Nomoa ya! Bat mi talem long yufala, sapos yufala no lusim olketa ravis wei blong yufala, bae yufala evriwan i dae olsem olketa tu ya.”

Aposol 27:9

Nao mifala bin lusim plande de tumas, an disfala Bikde fo Tekemaot Sin, hemi go finis. An mifala kasem taem wea hemi nogud tumas fo go long si nao an Pol hemi tok olsem fo olketa,

Leta wea Pol hemi raetem go long sios long Rom 6:6

Yumi save, hemi olsem olketa nilam olfala laef blong yumi long kros wetem Kraes nao, mekem God hemi finisim paoa blong sin wea hemi stap long olfala laef blong yumi. Long wei ya nao sin hemi no save gohed fo bosim yumi.

1 Korin 9:27

Mi gohed fo hitim bodi blong mi, mekem hemi barava obeim mi. Bikos nogud mi talemaot disfala Gudnius long olketa nara pipol, bat mi seleva nao mi lus.