Nambas 27:3 - Pijin Bible

³ An olketa woman ya i kam long olketa bikman an tok olsem, “Dadi blong mifala hemi dae long drae eria. Hemi nating falom olketa wea i saetem Kora fo agensim Yawe. Hemi dae nomoa from sin blong hem seleva. An yufala save, hemi no garem eni pikinini boe.

Pijin Deuterocanon

³ An olketa woman ya i kam long olketa bikman an tok olsem, “Dadi blong mifala hemi dae long drae eria. Hemi nating falom olketa wea i saetem Kora fo agensim Yawe. Hemi dae nomoa from sin blong hem seleva. An yufala save, hemi no garem eni pikinini boe.

Nambas 27:3 Iomraidhean Croise

Esikiel 18:4

Evri man i blong mi. Ya, mami an dadi an olketa pikinini tu i blong mi. Bat man hu hemi sin, bae hem nao mas dae fo sin blong hem seleva.

Nambas 14:35

An Yawe hemi gohed fo tok olsem long Mosis an Eron, “Yutufala save, olketa ravis pipol hu tok agensim mi, olketa evriwan bae dae long drae eria. Mi nao Yawe an hem nao toktok blong mi.”

Nambas 16:19

Oraet, Kora hemi kolem olketa man fo kam stanap long datfala ples, an olketa fesim Mosis an Eron long doa blong Tambu Haostent. Seknomoa, saen blong paoa blong Yawe hemi saen kam long olketa evriwan.

Nambas 16:49

Namba blong olketa hu i dae long datfala taem hemi kasem 14,700, bat olketa no kaontem olketa hu i dae long trabol blong Kora.

Nambas 26:33

Nao laen blong Hefa hemi garem wanfala man wea nem blong hem Selofehad. Selofehad hemi nating garem eni pikinini boe, bat hemi garem olketa gele nomoa, wea nem blong olketa, Mala, an Noa, an Hogla, an Milka, an Tiasa.

Nambas 27:4

?Nomata hemi nating garem eni pikinini boe, waswe nao nem blong hem bae hemi mas lus from olketa laen blong yumi nao? So taem yufala givim lan long olketa famili long traeb blong mifala, yufala mas makem samfala lan fo mifala tu, mekem laen blong dadi hem gohed.”

Gudnius abaotem Jisas Kraes wea Jon hemi raetem 8:21

Jisas hemi tok moa olsem long olketa, “Bae mi go ya an bae yufala lukaotem mi, bat olketa sin blong yufala i stap yet, mekem yufala dae. An bae yufala no save go long ples wea bae mi go long hem.”

Gudnius abaotem Jisas Kraes wea Jon hemi raetem 8:24

Dastawe nao mi talem long yufala finis, wea olketa sin blong yufala i stap yet, mekem yufala dae. Sapos yufala no biliv wea ‘Mi nao Mi Stap Olowe’ oraet, olketa sin blong yufala i stap yet, mekem yufala dae.”

Leta wea Pol hemi raetem go long sios long Rom 5:12

Sin hemi kam insaet long wol falom rong blong wanfala man nomoa, an sin nao hemi mekem hem dae. An long sem wei nao, evri pipol mas dae bikos evriwan sin finis.

Leta wea Pol hemi raetem go long sios long Rom 5:21

So nomata sin blong olketa pipol i garem paoa fo kilim olketa dae, bat kaenfala lav blong God hemi garem moa paoa fo mekem evri pipol stret long ae blong hem. So God hemi mekem yumi fo garem laef wea hemi no save finis from waka blong Jisas Kraes Masta blong yumi.

Leta wea Pol hemi raetem go long sios long Rom 6:23

Bikos taem eniwan hemi stap long wei blong sin, wejis blong hem nao dae. Bat from yumi joen wetem Jisas Kraes Masta blong yumi, God hemi givim fri nao disfala presen long yumi, wea yumi save garem laef wea hemi no save finis.