Nambas 26:62 - Pijin Bible

⁶² Namba blong olketa man long traeb blong Livae wea i kasem wan mans an goap, hemi 23,000. Bat olketa no kaontem traeb blong Livae tugeta wetem olketa narafala traeb, bikos God hemi no givim eni lan long olketa olsem hemi givim long olketa narafala traeb blong Israel.

Pijin Deuterocanon

⁶² Namba blong olketa man long traeb blong Livae wea i kasem wan mans an goap, hemi 23,000. Bat olketa no kaontem traeb blong Livae tugeta wetem olketa narafala traeb, bikos God hemi no givim eni lan long olketa olsem hemi givim long olketa narafala traeb blong Israel.

Nambas 26:62 Iomraidhean Croise

Nambas 1:47

Bat olketa no kaontem olketa long traeb blong Livae wetem olketa narawan,

Nambas 1:49

“Taem yu kaontem olketa man hu i fit fo faet, yu mas no kaontem olketa long traeb blong Livae wetem olketa narafala traeb.

Nambas 26:63

Hem nao evriwan long olketa traeb blong Israel wea Mosis an Prist Eleasa i kaontem long bikfala flat ples blong Moab, long narasaet long Jodan Riva from Jeriko.

Nambas 3:39

Olsem Yawe hemi bin talem, Mosis an Eron i kaontem evri man long traeb blong Livae long olketa laen blong hem. An stat long olketa pikinini boe wea i kasem wan mans an goap, namba ya hemi kasem 22,000.

Nambas 4:27

Haeprist Eron, wetem tufala san blong hem nao mas talem olketa long laen blong Geson olketa samting fo lukaftarem.

Diutronomi 10:9

Dastawe olketa no garem eni lan fo onam olsem olketa narafala traeb blong Israel i garem. Bikos Yawe, God blong yufala, hemi talem olketa dat hem save givim evrisamting olketa nidim fo olketa i laef long hem.)

Josua 13:14

Yawe bin talem finis long Mosis dat olketa long Traeb blong Livae bae i no garem eni lan, bat bae olketa garem kaikai from olketa samting wea olketa pipol long olketa narafala traeb i givim fo mekem wosip long hem.

Josua 13:33

Bat Mosis hemi no givim eni lan go long traeb blong Livae, bikos hemi talem olketa dat bae olketa save garem pat long olketa ofaring wea olketa blong Israel i ofarem go long Yawe, God blong Israel.

Josua 14:3

Olketa lan long narasaet long Jodan Riva long ist, Mosis hemi bin divaedem finis fo tufala narafala traeb blong olketa wetem narafala haf long traeb blong Manase. Bifoa kam, Josef hemi garem tufala san wea nem blong tufala nao Manase an Efrem. An traeb blong Josef hemi divaed long tufala traeb, falom tufala san blong hem. Bat olketa long traeb blong Livae i no garem eni lan. Olketa garem nomoa olketa taon fo stap long hem. An olketa taon ya i garem eria raonem fo olketa buluka an olketa sipsip an olketa nanigot blong olketa fo stap long hem.