Nambas 25:3 - Pijin Bible

³ Bikos olketa man blong Israel i bin wosipim disfala god Baal-Peo, Yawe hemi barava kros tumas long olketa.

Pijin Deuterocanon

³ Bikos olketa man blong Israel i bin wosipim disfala god Baal-Peo, Yawe hemi barava kros tumas long olketa.

Nambas 25:3 Iomraidhean Croise

Sams 90:11

No eniwan nao hemi save luksave long paoa blong disfala kros blong yu long mifala. Ya, no eniwan hemi save luksave long fraet wea bae hemi kasem mifala taem yu kros long mifala.

Jeremaea 17:4

Kros blong mi hemi olsem bikfala faea, an bae hemi gohed fo bonem yufala nogud. From olketa samting yufala gohed fo duim, disfala lan wea mi bin givim long olketa grani blong yufala bifoa, bae hemi lus. An bae mi letem olketa enemi ya fo tekem yufala go long lan wea yufala no save long hem, fo waka olsem slev.”

Hosia 4:14

Bae mi no panisim olketa, bikos yufala man nao i statem disfala nogud samting. Yufala save go long haos blong olketa narafala god ya, an gohed fo durong nomoa wetem olketa woman prist, an yufala joen wetem olketa prist ya fo mekem sakrifaes long olketa laea god. Wanfala waes toktok hemi olsem, ‘Olketa pipol wea i no garem gudfala tingting, bae i lus finis.’

Hosia 9:10

Yawe hemi tok olsem long olketa pipol blong Israel, “Long taem wea mi siusim olketa grani blong yufala bifoa fo kamap pipol blong mi, olketa gud tumas olsem olketa gudfala frut blong grep wea man hemi faendem long drae eria. Long datfala taem, olketa i olsem olketa fas frut blong fig tri wea hemi jes raep. Bat taem olketa kasem maonten long Peo, olketa stat fo wosipim nao disfala god Baal. Olketa givim olketa seleva long ravis god ya. An olketa kamap olsem samting wea mi barava heitem, olsem wea mi heitem datfala god.

Nambas 25:5

An Mosis hemi kolem kam olketa sif, an hemi tok olsem long olketa, “Yufala go kilim dae olketa blong yufala hu i bin wosipim Baal-Peo.”

Nambas 31:16

!Olketa nao i falom toktok blong datfala man Balam! !Olketa nao i trikim olketa man blong yumi fo lusim Yawe an falom disfala god Baal-Peo! !Samting ya nao hemi bin mekem datfala ravis sik hemi kam long yumi pipol blong Yawe!

Josua 22:17

?Waswe, yufala fogetem finis datfala taem wea yumi stap long Peo, an hemi panisim yumi fo olketa sin blong yumi? Yumi nao olketa pipol blong hem, bat hemi panisim yumi long wanfala ravis sik wea hemi kasem yumi evriwan nomoa. An yumi safa yet from disfala samting.

Jajis 2:11

Long datfala taem, pipol blong Israel i stat fo duim olketa nogud samting long ae blong Yawe an wosipim olketa laea god olsem Baal.

Jajis 2:13

Olketa lusim hem an gohed fo wosipim disfala god Baal an disfala woman god Astarot.

Jajis 2:14

Bikos Yawe hemi kros tumas long olketa, hemi putum olketa long han blong olketa enemi hu i stap raonem olketa. Nao olketa enemi ya i kamap strong tumas an pipol blong Israel i no save gadem olketa seleva. An olketa enemi i gohed fo stilim evrisamting blong olketa.

Jajis 2:20

So Yawe hemi kros tumas long olketa an hemi tok olsem, “Pipol blong Israel i brekem disfala Agrimen wea mi talem long olketa grani blong olketa bifoa fo kipim. Bikos olketa no save obeim mi olsem,