Nambas 24:21 - Pijin Bible

^21-22 Den long spesol drim hemi lukim laen blong Kein. Hemi talemaot toktok olsem, “!Laen blong Kein! Ples wea yufala stap long hem, hemi wanfala strongfala ples. Hemi olsem nest blong bed, wea hemi stap antap long sefples. Bat taem olketa pipol blong Asua i kasholem yufala, bae yufala kamap slev blong olketa, an bae olketa spoelem yufala.”

Pijin Deuterocanon

^21-22 Den long spesol drim hemi lukim laen blong Kein. Hemi talemaot toktok olsem, “!Laen blong Kein! Ples wea yufala stap long hem, hemi wanfala strongfala ples. Hemi olsem nest blong bed, wea hemi stap antap long sefples. Bat taem olketa pipol blong Asua i kasholem yufala, bae yufala kamap slev blong olketa, an bae olketa spoelem yufala.”

Nambas 24:21 Iomraidhean Croise

Jenesis 15:19

Olketa pipol wea i stap yet long graon ya distaem, nao olketa long laen blong Kein, laen blong Kenas, laen blong Kadmon, laen blong Het, laen blong Peris, laen blong Refaem, laen blong Amoa, laen blong Kenan, laen blong Gigas, an laen blong Jebus.”

Stori abaotem Job 29:18

Long datfala taem, mi tingse bae mi laef longtaem, an bae mi dae nomoa long hom blong mi.

Jajis 1:16

Oraet, laen blong dadi inlo blong Mosis wea hemi long laen blong Kein, olketa gogo wetem traeb blong Jiuda. Olketa evriwan i lusim Jeriko wea hemi taon blong pam tri, an olketa go long drae eria long saot kolsap long taon long Arad. An olketa stap long eria ya wetem olketa pipol long dea.

1 Samuel 15:6

Bat fastaem, hemi sendem wanfala mesij go long laen blong Kein. Hem duim olsem bikos olketa grani long laen blong Kein i bin helpem olketa grani long laen blong Israel long taem wea olketa kamaot from Ijip. Mesij ya hemi olsem, “Yufala mas lusim pipol blong Amalek. Yufala mas lusim ples ya, nogud mi kilim yufala wetem olketa.” So, olketa lusim ples ya an goaot from pipol blong Amalek.