Nambas 23:14 - Pijin Bible

¹⁴ So hemi tekem hem go long open ples long Sofim antap long maonten long Pisga. An long datfala ples tu, hemi wakem sevenfala olta, an hemi sakrifaesim wanfala man buluka an wanfala man sipsip long evriwan long sevenfala olta ya.

Pijin Deuterocanon

¹⁴ So hemi tekem hem go long open ples long Sofim antap long maonten long Pisga. An long datfala ples tu, hemi wakem sevenfala olta, an hemi sakrifaesim wanfala man buluka an wanfala man sipsip long evriwan long sevenfala olta ya.

Nambas 23:14 Iomraidhean Croise

Aesaea 46:6

Olketa pipol i openem paos blong olketa, an kapsaetem olketa gol o silva fo skelem olketa. Nao olketa peim wanfala man mekem hemi wakem gol an silva long wanfala kaving god long hem. Bihaen, olketa baodaon long hem, an wosipim hem.

Hosia 12:11

Nomata mi duim olketa samting, bat plande long yufala long Gilead long ist i wosipim yet olketa narafala god. !Olketa god ya i samting nating nomoa! Oltaem nomoa, yufala long Gilgal long west i sakrifaesim olketa man buluka. !Olketa olta blong yufala ya i yusles nomoa olsem olketa hip ston wea yufala kliarem from gaden!”

Nambas 21:20

Olketa lusim Bamot an olketa go long bikfala vali long eria blong Moab. Datfala vali hemi kolsap long disfala maonten long Pisga wea pipol save luk godaon long drae eria.

Nambas 23:13

Sif Balak hemi tok olsem long Balam, “Kam. Yumitufala go long narafala ples wea yu save lukim smolfala haf blong olketa nomoa. Ating long dea nao bae yu save helpem mi, an yu save mekem trabol fo kam kasem olketa.”

Nambas 23:15

An Balam hemi tok olsem long Balak, “Yu stap kolsap long olketa sakrifaes fastaem, an yu weitem mi. Bae mi go longwe fo mit wetem Yawe.”

Nambas 23:29

Den Balam hemi tok olsem long sif Balak, “Mi laekem yu fo wakem sevenfala olta long disfala ples, an yu mas tekem kam sevenfala man buluka an sevenfala man sipsip long mi.”

Diutronomi 3:27

Yu mas go antap long maonten long Pisga. An yu mas lukluk goraon long evri saet. Evrisamting wea yu lukim, hemi gud fo yu lukluk gudfala long olketa, bikos bae yu nating save go akros long Jodan Riva enitaem.

Diutronomi 34:1

Nao Mosis hemi lusim bikfala flat eria long Moab. Hemi klaem go long maonten long Pisga an hemi go antap long maonten long Nebo wea hemi long narasaet long Jodan Riva from Jeriko. An taem hemi stap long dea, Yawe hemi som olketa ples long lan blong Kenan long hem. Hemi som evri ples long disfala lan from eria long Gilead long ist saet long Jodan, go kasem eria blong Dan long not.