Nambas 22:41 - Pijin Bible

⁴¹ Long moning, Sif Balak hemi tekem Balam go antap long maonten long Bamot-Baal. Long maonten ya, Balam hemi save lukim samfala long olketa pipol blong Israel.

Pijin Deuterocanon

⁴¹ Long moning, Sif Balak hemi tekem Balam go antap long maonten long Bamot-Baal. Long maonten ya, Balam hemi save lukim samfala long olketa pipol blong Israel.

Nambas 22:41 Iomraidhean Croise

2 Kronikols 11:15

Jeroboam hemi mektambu long olketa prist blong hem seleva fo duim waka long olketa tambuples. Olketa ya i mekem wosip go long olketa tambu kaving long nanigot an long smol buluka.

Jeremaea 19:5

Olketa wakem olketa olta blong god Baal fo bonem olketa pikinini blong olketa long faea, fo sakrifaesim go long hem. Bat mi no talem olketa fo duim olsem. Diskaen barava ravis samting hemi no kamaot long tingting blong mi.

Jeremaea 48:35

Bae mi mekem wea olketa long Moab mas stop fo no mekem moa eni sakrifaes long hae ples o bonem moa insens fo mekem wosip blong olketa god ya blong olketa.” Hem nao mesij blong Yawe.

Nambas 21:28

“Bifoa, olketa soldia kamaot from Hesbon olsem faea. Ya, hemi bonem Ara long Moab. An hemi spoelem tu olketa bikman blong tambuples long Bamot-Anon.

Nambas 22:40

Long dea nao, sif Balak hemi kilim olketa buluka an sipsip blong hem fo mekem sakrifaes, an hemi givim samfala mit long Balam wetem olketa bikman wea i stap wetem hem.

Nambas 23:1

Balam hemi tok olsem long sif Balak, “Mi laekem yu fo wakem sevenfala olta long disfala ples, an yu mas tekem kam sevenfala man buluka an sevenfala man sipsip long mi.”

Nambas 23:13

Sif Balak hemi tok olsem long Balam, “Kam. Yumitufala go long narafala ples wea yu save lukim smolfala haf blong olketa nomoa. Ating long dea nao bae yu save helpem mi, an yu save mekem trabol fo kam kasem olketa.”

Diutronomi 12:2

Taem yufala ronemaot olketa pipol from disfala lan, yufala mas spoelem evri tambuples blong olketa god blong olketa ya long olketa maonten, an long olketa hil, an andanit long olketa tri.