Nambas 21:8 - Pijin Bible

⁸ Den Yawe hemi tok olsem long Mosis, “Tekem bras an wakem wanfala kaving blong snek long hem, an putum long wanfala pos, an stanemap. An sapos wanfala snek hemi kaikaim eniwan, hemi mas luk go long kaving blong snek, an bae hemi gudbaek moa.”

Pijin Deuterocanon

⁸ Den Yawe hemi tok olsem long Mosis, “Tekem bras an wakem wanfala kaving blong snek long hem, an putum long wanfala pos, an stanemap. An sapos wanfala snek hemi kaikaim eniwan, hemi mas luk go long kaving blong snek, an bae hemi gudbaek moa.”

Nambas 21:8 Iomraidhean Croise

2 Kings 18:4

Hemi aotem olketa tambuples fo wosipim olketa narafala god, an hemi brekemdaon olketa barava tolfala tambu ston, an hemi katemdaon evri tambu kaving blong woman god ya Asera. An hemi brekem tu disfala snek wea bifoa kam Mosis hemi bin wakem long bras. Snek ya, olketa bin kolem hem “Nehustan”. Hemi duim olsem bikos olketa pipol i bin bonem insens olowe long tambu kaving blong snek ya.

Sams 145:8

Yawe hemi kaen tumas, an hemi save sore long yumi. Hemi no save kros kuiktaem bikos lav blong hem fo yumi hemi bikfala tumas.

Aesaea 14:29

Yawe hemi tok olsem, “!Olketa pipol blong Filistia! !Hemi nogud fo yufala gohed fo hapi olsem! Hemi tru wea stik wea mi bin yusim fo wipim yufala long hem hemi brek nao. !Bat narafala stik hemi stap yet! Hemi olsem wea taem wanfala poesen snek hemi dae, pikinini blong hem hemi laef an hemi poesen snek tu.

Aesaea 30:6

(Profet) Hem ya profesi abaotem olketa wael animol long Negev, wea hemi long saet long saot blong Jiuda. Yawe hemi tok olsem, “Disfala lan hemi wanfala barava drae eria wea olketa laeon an olketa poesen snek i stap long hem. Long lan ya olketa man fo tekem mesij i gotru long hem, an olketa karim go olketa risis an olketa gudfala samting antap long baeksaet blong olketa dongki an olketa kamel. Olketa tekem olketa samting ya fo givim olsem presen go long datfala yusles kantri Ijip, mekem olketa ya save helpem yufala.

Aesaea 45:22

“!Yufala evri pipol long wol, yufala kambaek long mi mekem mi sevem yufala! !Bikos mi nomoa mi God, an no eni narafala god moa hemi stap!

Gudnius abaotem Jisas Kraes wea Jon hemi raetem 3:14

Taem Mosis wetem olketa Jiu olketa stap long drae eria ya, hemi tekem disfala snek wea olketa wakem long aean an hemi putum long antap wanfala pos. An bae olketa mas duim semsamting long San Blong Man tu,