Nambas 21:33 - Pijin Bible

³³ Den olketa tane go fo falom rod wea hemi go long eria long Basan. An Sif Og hu hemi paramaon sif blong Basan, hemi kam wetem evri soldia blong hem fo faetem pipol blong Israel long taon long Edrei.

Pijin Deuterocanon

³³ Den olketa tane go fo falom rod wea hemi go long eria long Basan. An Sif Og hu hemi paramaon sif blong Basan, hemi kam wetem evri soldia blong hem fo faetem pipol blong Israel long taon long Edrei.

Nambas 21:33 Iomraidhean Croise

Sams 135:11

Hemi kilim dae King Sihon hu hemi king long laen blong Amoa, an King Og hu hemi king blong Basan, an hemi kilim dae evri king long Kenan tu.

Sams 136:20

An hemi kilim dae King Og, wea i king long Basan. Ya, bikos hemi tinghevi long yumi olowe.

Sams 22:12

Plande long olketa enemi i raonem mi nao olsem olketa buluka. Olketa hipap raonem mi, olsem olketa strongfala buluka ya long Basan.

Sams 68:15

Tambu maonten long Basan, hemi barava bikfala fogud, an hemi garem plande hae ples antap long hem.

Sams 68:22

Masta blong yumi, hemi bin tok olsem, “Bae mi kasholem an tekem kambaek olketa enemi wea i stap long evri ples long wol.

Aesaea 33:9

Olketa gaden long lan ya hemi emti finis nao, an no eniwan hemi waka moa long hem. Olketa bikfala tri long bus blong kantri long Lebanon i drae tu. Olketa gudfala graon long Saron hemi kamap finis olsem drae eria raonem Ded Si, an evri lif blong olketa tri long Basan an Kaamel i gohed fo foldaon tu.

Esikiel 27:6

Olketa mekem olketa padol blong yu, long nambawan ok tri from Basan, an olketa mekem dek blong yu, long saepras tri from aelan long Saepras, an olketa dekoretem dek blong yu long tit blong elifan.

Esikiel 39:18

Bae yufala save kaikaim bodi blong olketa king, an olketa nambawan soldia, an dringim blad blong olketa. Bae mi kilim olketa dae olsem olketa man sipsip, an olketa smolfala sipsip, an olketa nanigot, an olketa man buluka wea i fat gudfala fo sakrifaesim.

Emos 4:1

(Profet) Yufala olketa ris woman long Samaria, yufala barava fat fogud olsem olketa buluka long Basan. Yufala mas lisin gudfala long disfala toktok. Oltaem yufala gohed fo tritim nogud olketa hu i no save faet, an yufala gohed fo daonem olketa pua pipol. An oltaem yufala tokstrong long olketa hasban blong yufala fo tekem kam staka waen fo yufala.

Nambas 32:33

So, disfala lan wetem olketa taon blong hem long eria wea Paramaon Sif Sihon blong Amoa an Paramaon Sif Og blong Basan i rul ovarem, Mosis nao hemi givim long traeb blong Gad, an traeb blong Ruben, an haf long traeb blong Manase.

Diutronomi 2:30

Bat Sif Sihon hemi no save letem yumi fo gotru long lan blong hem, bikos Yawe hemi mekem tingting blong Sif sat finis an mekem hemi bikhed tu. Yawe hemi duim olsem mekem yumi save winim Sif ya.

Diutronomi 29:7

“Taem yufala kasem disfala ples, Paramaon Sif Sihon blong Hesbon, an Paramaon Sif Og blong Basan, tufala kam fo faet agensim yufala, bat yufala winim tufala.

Diutronomi 32:14

Hemi mekem olketa buluka an nanigot an sipsip blong yufala i fat fogud taem olketa stap long ples long Basan. Olketa animol ya i givim plande milk long yufala. Hemi mekem olketa wit blong yufala i nambawan. An redfala waen wea yufala dringim hemi barava nambawan.

Josua 12:4

An narawan nao Sif Og, wea hemi paramaon sif blong eria long Basan. Paramaon sif ya hemi laswan long olketa Refaem pipol an hemi rul ovarem tufala taon long Astarot an Edrei.

Josua 13:12

Lan ya hemi gohed moa go-go kasem evri ples long distrik wea Paramaon sif Og hemi rul ovarem, wetem tufala taon long Astarot an Edrei wea i kapitol taon blong hem. Disfala paramaon sif nao hemi laswan long olketa laen blong Refaem long bifoa. Mosis wetem olketa pipol blong Israel nao i bin winim olketa pipol ya wetem ples blong olketa long faet.

Josua 13:30

Disfala eria ya hemi stat long Mahanaem an evri lan long Basan hemi insaet long disfala eria, wetem siksti vilij wea Jaea bin winim wanfala taem bifoa long faet. Bifoa, Paramaon Sif Og blong Basan nao hemi rul ovarem evri ples long datfala eria.

Josua 9:10

An mifala herem tu wanem hemi duim long tufala paramaon sif ya long Amoa long narasaet Jodan Riva long ist, Sif Sihon blong Hesbon, an Sif Og blong Basan, wea kapitol taon blong hem nao Astarot.