Nambas 21:30 - Pijin Bible

³⁰ “Bat wea, from Hesbon long not go long Dibon long saot, yumi bin kilim olketa blong Amoa. Ya, from Nofa go long Medeba, faea ya hemi bonem evri taon finis.”

Pijin Deuterocanon

³⁰ “Bat wea, from Hesbon long not go long Dibon long saot, yumi bin kilim olketa blong Amoa. Ya, from Nofa go long Medeba, faea ya hemi bonem evri taon finis.”

Nambas 21:30 Iomraidhean Croise

Jenesis 49:23

Olketa enemi blong yu bae i kam fo faetem yu, an olketa gohed fo sutim yu long bou an aro blong olketa.

1 Kronikols 19:7

Olketa haerem 32,000 soldia fo draevam olketa kaat ya, an ami blong king blong Maaka tu. Olketa evriwan i kam stap long Medeba fo faet. An olketa soldia blong Amon i kamaot from olketa taon blong olketa, an hipap redi fo faet.

Sams 18:14

Hemi sut long olketa aro blong hem, nao olketa enemi blong hem i ranawe olobaot. An hemi sendem kam laetning, an hemi mekem olketa evriwan i ranawe nao.

Aesaea 15:2

Olketa pipol long taon long Dibon i wakabaot go long ples fo wosip antap long hil fo sore an krae. Olketa pipol blong Moab i krae bikfala antap long maonten long Nebo an long taon long Medeba. Olketa resam hed an biad blong olketa bikos olketa barava sore fogud.

Aesaea 15:9

Long bikfala taon long Dibon, riva hemi kamap red long blad blong pipol, bat plan blong mi nao fo spoelem moa olketa pipol ya. Olketa pipol blong Moab hu i laef yet, olketa trae fo ranawe from olketa trabol ya, bat bae mi kilim dae olketa evriwan olsem wea mi sendem wanfala laeon fo kaikaim olketa.”

Jeremaea 48:18

“Yufala pipol blong taon long Dibon. Yufala kamdaon from olketa hae ples blong yufala, mekem yufala sidaon long graon bikos olketa enemi bae mekful long yufala. Olketa enemi hu hemi spoelem Moab, bae i go antap fo kasem taon blong yufala, an spoelem strongfala wolston raonem hem.

Jeremaea 48:22

an Dibon, an Nebo, an Bet-Diblataem,

Nambas 21:31

So pipol blong Israel i stap kam long eria blong Amoa.

Nambas 32:3

“Disfala lan wea Yawe hemi winim fo yumi blong Israel hemi fitim olketa animol. Ating olketa lan long Atarot, an Dibon, an Jasea, an Nimra, an Hesbon, an Eleale, an Sebam, an Nebo, an Beon, hemi gud tumas fo olketa animol, an yu save, mifala garem plande animol tumas.

Nambas 32:34

Den traeb blong Gad i wakem gudfala moa olketa bikfala wolston raonem olketa taon long Dibon, an Atarot, an Aroa,

Josua 13:17

Plande taon nao hemi stap long flat ples ya. Olketa taon ya nao Hesbon, an Dibon, an Bamot-Baal, an Betbalmeon,

Josua 13:9

Hemi givim tu lan wea hemi stat long Aroa long Anon Riva go kasem taon long midol long vali blong Anon riva, an hemi go olowe go-go kasem bikfala flat ples antap long hil wea hemi stat kam long taon long Medeba go-go kasem taon long Dibon.