Nambas 21:24 - Pijin Bible

²⁴ Bat ami blong Israel i kilim dae Paramaon Sif Sihon wetem plande soldia blong hem. An pipol blong Israel i tekova long olketa lan blong olketa, stat long Anon Riva, go kasem Jabok Riva long not wea hemi baondri long eria blong Amon. Bat olketa no save go moa long narasaet, bikos olketa pipol blong Amon i strong tumas.

Pijin Deuterocanon

²⁴ Bat ami blong Israel i kilim dae Paramaon Sif Sihon wetem plande soldia blong hem. An pipol blong Israel i tekova long olketa lan blong olketa, stat long Anon Riva, go kasem Jabok Riva long not wea hemi baondri long eria blong Amon. Bat olketa no save go moa long narasaet, bikos olketa pipol blong Amon i strong tumas.

Nambas 21:24 Iomraidhean Croise

Jenesis 32:22

Nao long naet ya, Jekob hemi getap, an hemi tekem tufala waef blong hem, wetem tufala slev woman blong tufala, an olketa levenfala pikinini blong hem, nao olketa lusim ples ya fo krosim Jabok Riva ya, nao hemi tekem olketa an katkros go long narasaet.

Nehemaea 9:22

“Yu letem olketa fo winim olketa narafala pipol an tekova long olketa narafala kantri, mekem hemi kamap haf long lan blong olketa. Olketa bin tekova long lan blong King Sihon blong Hesbon, an King Og blong Basan.

Sams 136:19

Hemi kilim dae King Sihon, wea i king blong olketa long laen blong Amoa. Ya, bikos hemi tinghevi long yumi olowe.

Emos 2:9

?Yufala mas tingim dat mi nao bin helpem yufala, mi nao mi kilim dae olketa pipol long laen blong Amoa. Nomata olketa i olsem wanfala tolfala an strongfala tri, mi save spoelem frut blong hem, an mi save katemaot nomoa rut blong hem.

Nambas 21:13

Bihaen, olketa go moa, olketa katkros long Anon Riva an go long not, long bikfala drae eria wea hemi stap long saet long baondri blong eria blong Amoa. Anon Riva, hemi baondri blong olketa laen blong Moab an olketa laen blong Amoa.

Diutronomi 29:7

“Taem yufala kasem disfala ples, Paramaon Sif Sihon blong Hesbon, an Paramaon Sif Og blong Basan, tufala kam fo faet agensim yufala, bat yufala winim tufala.

Diutronomi 3:16

An narafala haf blong eria ya wetem lan wea hemi go kasem Anon Riva long saot, mi givim long traeb blong Ruben wetem traeb blong Gad. Lan blong olketa, baondri blong hem long saot hemi stap stret long midol long riva Anon, an baondri blong hem long ist hemi stap long Jabok Riva, an olketa pipol blong Amon i stap long narasaet.

Diutronomi 31:4

Oraet, Yawe bae hemi spoelem olketa pipol blong Kenan olsem hemi bin spoelem Paramaon Sif Sihon an Paramaon Sif Og, an ples blong laen blong Amoa.

Josua 13:12

Lan ya hemi gohed moa go-go kasem evri ples long distrik wea Paramaon sif Og hemi rul ovarem, wetem tufala taon long Astarot an Edrei wea i kapitol taon blong hem. Disfala paramaon sif nao hemi laswan long olketa laen blong Refaem long bifoa. Mosis wetem olketa pipol blong Israel nao i bin winim olketa pipol ya wetem ples blong olketa long faet.

Josua 24:8

bat bihaen, mi nao mi tekem yufala kam long disfala lan wea long bifoa hemi blong olketa long laen blong Amoa wea i stap kam long saet long ist, long narasaet long Jodan Riva. Taem olketa kam faetem yufala, bat mi nao mi mekem yufala fo winim olketa. An taem yufala kolsap kasem eria blong olketa, bat mi nao mi kilim olketa dae, nao yufala gohed fo onam lan blong olketa nao.

Josua 9:10

An mifala herem tu wanem hemi duim long tufala paramaon sif ya long Amoa long narasaet Jodan Riva long ist, Sif Sihon blong Hesbon, an Sif Og blong Basan, wea kapitol taon blong hem nao Astarot.

Jajis 10:11

Yawe hemi ansarem olketa olsem, “Bifoa kam, laen blong Ijip, an laen blong Amoa, an laen blong Amon, an laen blong Filistia,

Jajis 11:13

Nao sif ya hemi tok olsem long olketa, “Bifoa kam, taem olketa grani blong yufala i lusim Ijip, olketa tekova long lan blong mifala wea hemi stat long Anon Riva long saot, an falom Jodan Riva long west, an go kasem Jabok Riva long not. Distaem yufala mas givim baek lan ya. Sapos yufala duim olsem bae mifala no mekem eni faet.”

Jajis 21:8

Yu save, olketa bin ask olsem, “?Long taem yumi kam tugeta frant long Yawe long Mispa, hu nao long olketa traeb blong yumi hemi no kam joen wetem yumi?” So taem olketa kaontem evriwan olketa faendemaot wea olketa man blong Jabes-Gilead long saet go long Jodan riva nao i no kam fo joenem olketa.