Nambas 21:23 - Pijin Bible

²³ Bat Paramaon Sif Sihon hemi nating letem olketa fo gotru long eria blong hem. Hemi kolem olketa soldia blong hem fo kam tugeta. Den olketa wakabaot kam long ples long Jahas long drae eria fo faetem pipol blong Israel.

Pijin Deuterocanon

²³ Bat Paramaon Sif Sihon hemi nating letem olketa fo gotru long eria blong hem. Hemi kolem olketa soldia blong hem fo kam tugeta. Den olketa wakabaot kam long ples long Jahas long drae eria fo faetem pipol blong Israel.

Nambas 21:23 Iomraidhean Croise

Aesaea 15:4

Long tufala taon long Hesbon an Eleale, olketa pipol i gohed fo krae bikfala. Olketa pipol wea i stap kam long olketa ples raonem tufala taon ya, go-go kasem taon long Jahas wea hemi stap farawe, olketa save herem kam bikfala noes long krae blong olketa. Nomata olketa soldia blong Moab, olketa fraet tumas an seksek fogud taem olketa herem bikfala krae ya.

Jeremaea 48:21

“Olketa taon blong Moab, wea i long bikfala flat eria antap long olketa maonten, bae mi panisim olketa. Olketa taon ya nao i Holon, an Jasa, an Mefaat,

Jeremaea 48:34

“Noes long bikfala krae blong olketa, pipol long Hesbon, an long Eleale, an long Jahas i save herem. An olketa pipol long Soa, an long Horonaem, an long Eglat-Selisia, olketa tu save herem. An smolfala riva long Nimrim tu, bae hemi kamap barava drae.

Emos 2:9

?Yufala mas tingim dat mi nao bin helpem yufala, mi nao mi kilim dae olketa pipol long laen blong Amoa. Nomata olketa i olsem wanfala tolfala an strongfala tri, mi save spoelem frut blong hem, an mi save katemaot nomoa rut blong hem.

Nambas 20:18

Bat paramaon sif blong Idom hemi tok olsem, “!Nomoa! !Mifala no save letem yufala fo kam tru long eria blong mifala. Sapos yufala kam, bae mifala faetem yufala.”

Nambas 20:21

So bikos paramaon sif ya hemi nating letem pipol blong Israel fo gotru long eria blong hem, olketa taneraon an falom narafala rod.

Josua 13:18

an Jahas, an Kedemot, an Maefat,

Jajis 11:20

Bat paramaon sif ya hemi no letem bikos hemi no trastem olketa. So hemi kolem olketa soldia blong hem fo kam tugeta long ples olketa kolem Jahas. An olketa go faetem olketa grani blong mifala.