Nambas 21:13 - Pijin Bible

¹³ Bihaen, olketa go moa, olketa katkros long Anon Riva an go long not, long bikfala drae eria wea hemi stap long saet long baondri blong eria blong Amoa. Anon Riva, hemi baondri blong olketa laen blong Moab an olketa laen blong Amoa.

Pijin Deuterocanon

¹³ Bihaen, olketa go moa, olketa katkros long Anon Riva an go long not, long bikfala drae eria wea hemi stap long saet long baondri blong eria blong Amoa. Anon Riva, hemi baondri blong olketa laen blong Moab an olketa laen blong Amoa.

Nambas 21:13 Iomraidhean Croise

Aesaea 16:2

Bat olketa pipol long olketa taon blong Moab i gohed fo weit saet long Anon Riva wea hemi farawe from hom blong olketa. Olketa kam an go olobaot nomoa, olsem olketa smolfala bed wea i flae olobaot taem mami an dadi blong olketa i flaem olketa from nest.

Jeremaea 48:20

Nao olketa tok olsem, ‘!O, Moab hemi foldaon finis! !Yumi sem fogud! !Yumi mas sore an krae bikfala! !Yumi mas go long Anon Riva fo talemaot dat olketa enemi i spoelem Moab finis!’”

Nambas 21:14

Nao, disfala Buk Abaotem Olketa Faet wea Yawe hemi Mekem, hemi tokabaotem wanfala taon long Waheb long Sufa, an abaotem olketa vali blong Anon Riva,

Nambas 22:36

Taem Balak hemi herem dat Balam hemi kam, hemi go long taon long Ara fo mitim hem. Taon ya hemi stap long Anon Riva wea hemi baondri blong eria blong Moab.

Diutronomi 2:13

Nao Mosis hemi tok moa olsem, “Yawe hemi sei, ‘Tude, yufala mas getap, an yufala mas katkros long Sered Riva.’ So yumi duim wanem hemi talem.

Diutronomi 2:18

‘Tude, yufala mas lusim eria blong Moab, an go long rod wea hemi gopas long Ara.

Diutronomi 2:24

Mosis hemi tok moa olsem, “Long datfala taem Yawe hemi sei, ‘Distaem yufala mas go akros long Anon Riva. Mi putum Sihon, Paramaon Sif long laen blong Amoa long Hesbon, long han blong yufala, hem wetem evri lan blong olketa. Yufala mas go faetem hem, an stat fo tekova long lan blong olketa.

Jajis 11:18

“Olketa wakabaot nomoa long drae eria go-go olketa goraon long saet blong spialaen blong lan blong Idom, an long lan blong Moab. Olketa go long ist saet long Moab wea olketa putumap haostent blong olketa narasaet long Anon riva wea hemi spialaen blong Moab, an olketa nating go akros long spialaen ya.